Қазақстанда жауын-шашын, бұршақ, қар және аязды күндер болады

Қазгидромет ҚР аумағында 25-27 сәуір аралығындағы ауа-райы болжамын айтты, республиканың солтүстік өңірлерінде қатты суық болады деп күтілуде.

Синоптиктердің болжамы бойынша, жақын күндері Қазақстанда ауа райы тұрақсыз болып, күрт суытады. Белсенді фронтальды ағыстардың өтуіне байланысты жаңбыр жауып, кей жерлерде қатты жауын — шашын болады деп  болжануда. Ал республиканың солтүстік бөлігінде қар жауады.

Сонымен қатар, кей жерлерде найзағай, тұман болып, жел, дауыл тұрып, бұршақ жаууы мүмкін.

 «Солтүстік өңірлерде сыртқы циклон суық антициклонға ауысады, ол жауын — шашынның тоқтауына ықпал етеді және ауа температурасының минусқа дейін түсіп, түнде төмендеуіне  әкеледі» — деп ескертті Қазгидромет.

Сондай-ақ бүгін Солтүстік Қазақстан облысы бойынша 25 сәуірде дауыл болады деп ескертілді. Мұнда оңтүстік-батыс жел секундына 15-20 метрге дейін жетеді, кей жерлерде екпіні 23-28 метрге дейін болады. Түнде ауа температурасы 5 градусқа дейін төмендейді деген болжам айтылды.