Экология министрлігінің басшысы Арал теңізінің жағдайын жақсарту туралы айтты

Қазақстанның Экология, геология және табиғи ресурстар министрі Мағзұм Мирзагалиев оңтүстік аймақтарға сапары туралы айтып, жұмыс барысында Қызылорда облысының әкімі Гүлшара Әбдіқалықовамен бірге Кіші Аралға аттанды.

«Көкарал бөгетінің құрылысы Солтүстік Аралдағы жағдайды жақсартуда үлкен рөл атқарды және бүгінде судың көлемі 27 текше метрге жетті. Аймақтың экологиясы жақсарды, балық аулау саласы белсенді дамуда, су қоймасында балықтың 20-дан астам түрі мекендейді», — деп жазды министр Twitter-де.

Ол Көкарал бөгеті стратегиялық маңызға ие екендігін, оның жағдайын үнемі қадағалап отыру керек екенін атап өтті.

«Осы мақсатта оны нығайту жоспарлануда, жобалық-сметалық құжаттама әзірленуде. Жоба таяу уақытта іске асырылады және объектіні қайта құру кезінде жұмыс орындарын ашуға мүмкіндік береді», — деді Мирзагалиев.

Арал теңізі 1960 жылдары құрғап, қазіргі әлемдегі ең үлкен экологиялық апаттардың біріне айналды. Бұрынғы Арал маңынан су алқабының 10% -дайы және мыңдаған шақырым шөл қалды. Соңғы онжылдықта Қазақстан мен Өзбекстан билігі халықаралық қорлардың көмегімен Арал теңізін қалпына келтіруге көп күш жұмсады. Атап айтқанда, сексеуілді кең көлемде отырғызу арқылы топырақтың одан әрі тозуы мен шөлденуі мәселесі шешіліп жатыр.