Қазақстанда 6 млн гектардан астам ауыл шаруашылығы жерлері мемлекеттік меншікке қайтарылды

2022 жылдың басынан бастап бүгінгі күнге дейін мемлекетке 6,1 млн га пайдаланылмаған және ауыл шаруашылығы жерлерін бұза отырып берілген жер қайтарылды. Бұл туралы ElDala.kz ҚР Ауыл шаруашылығы министрлігінің баспасөз қызметіне сілтеме жасай отырып хабарлайды.

Ведомствоның мәліметінше, биылғы жылы 695,8 мың га мемлекет меншігіне қайтарылды. Тиісті шаралар қабылданғаннан кейін жер пайдаланушылар 2,3 млн. алаңда өз учаскелерін игеруге кірісті, оның ішінде 2023 жылы - 270 мың га.

"Республика бойынша жер пайдаланушыларға қатысты 4,5 млн га алаңда 1907 жоспардан тыс тексеру тіркелді, тексеру нәтижелері бойынша 2,8 млн га алаңда жер заңнамасын бұзушылықтарды жою туралы 1254 ұйғарым енгізілді, 201,8 мың га алаңда 136 материал соттарда қаралуда", - деп хабарлады ведомстводан.

Бұған дейін ҚР Ауыл шаруашылығы министрі ағымдағы жылы қосымша 5 млн га ауыл шаруашылығы жерін мемлекеттік меншікке қайтару жоспарланып отырғанын айтқан болатын. Бұл ретте аталған жерлер бірінші кезекте ауыл халқының мал жаю жөніндегі мұқтажын қанағаттандыру үшін бөлінетін болады.