Ақтау порты Qingdao Port-мен келісімге қол қойды

Ақтау және Qingdao Port сауда порттары (Shangdong Port Group (SPG) құрамына кіреді) ынтымақтастық туралы келісімге қол қойды. Бұл туралы "Қазақстан темір жолы" ұлттық компаниясының баспасөз қызметі хабарлады.

Тараптар тәжірибе және ақпарат алмасу бойынша тығыз өзара іс-қимыл және бірқатар мәселелер бойынша: персоналды даярлау, пайдалану процестерін оңтайландыру, логистика бойынша ықтимал ынтымақтастық туралы уағдаласты. Сондай-ақ, "жасыл" және "ақылды" порт салу саласындағы ынтымақтастықты кеңейту жоспарлануда. 

Кездесу барысында ТМТМ бағыты бойынша транзиттік тасымалдардың тиімділігін арттыру үшін қолданыстағы инфрақұрылымды және қазақстандық және қытайлық тараптардың артықшылықтарын пайдаланудың маңыздылығы атап өтілді. 

Тақырып бойынша оқу: QazTrade және Қытай порт корпорациясы ынтымақтастық туралы келісімге қол қойды

Shandong Port Group (SPG) - жүк айналымы бойынша әлемдегі бірінші порт тобы. Топқа 12 компания және бизнестің 12 сегментінде жұмыс істейтін төрт порт кіреді: кеме қатынасы, сауда, логистика, ғылыми-техникалық әзірлемелер, жабдықтар өндірісі және т. б.