ЕАЭО органикалық ауылшаруашылық өнімдерінің бірыңғай нарығын қалыптастырады

Еуразиялық экономикалық одақ (ЕАЭО) елдеріндегі органикалық ауыл шаруашылығы өнімдерінің дамуы туралы өткізілген отырыста Еуразиялық экономикалық комиссия (ЕЭК) Алқасының мүшесі Артак Камалян, Беларусь премьер-министрінің орынбасары Александр Субботин және Беларусь Республикасының Ауыл шаруашылығы және азық-түлік министрі Иван Крупко аталған мәселелерді талқылады. Бұл туралы ЕЭК баспасөз қызметінен хабарлады.

«Комиссия сарапшылармен бірлесе отырып, органикалық ауылшаруашылық өнімдерінің бірыңғай нарығын қалыптастыру бойынша бірқатар шаралар қарастырды және жол картасының жобасы Еуразиялық үкіметаралық кеңестің қарауына ұсынылды. Аталған құжаттың қабылдануы органикалық өнімдер одағында кедергісіз айналымда жүруге және экспорт саясатын бірлесіп жүзеге асыруды қамтамасыз етеді», - деді Артак Камалян.

Баспасөз қызметінің ақпараты бойынша, А.Камалянның Беларуссияға жасаған іскерлік кездесулері аясында агроөнеркәсіптік сектордағы еуразиялық интеграцияны одан әрі дамыту үшін маңызды мәселелер қарастырылған, сондай-ақ пандемия жағдайында ЕАЭО нарығын азық-түлік өнімдерімен тұрақты түрде қамтамасыз ету мәселелері талқыланды.

«Одақ аясында ауылшаруашылық және азық-түлік тауарларының жетіспеушілігін, сондай-ақ жаңа сауда тыйымдары мен Одақ нарығында шектеулерді болдырмау үшін одаққа мүше мемлекеттер арасында тиімді өзара әрекеттесу, аграрлық азық-түлік нарығына, оның ішінде төтенше жағдайларға жедел әрекет ету шараларын әзірлеу маңызды» - деді, Артак Камалян.

Ол Одақтың агроөнеркәсіптік кешені мен ауылшаруашылық нарығын тұрақты түрде дамыту, ішкі және сыртқы нарықтардағы өнімнің бәсекеге қабілеттілігін арттыру, ауылшаруашылық өнімдері мен азық-түлік тауарларының өзара саудасын дамыту үшін кешенді құжат әзірлеуді ұсынды.

Сонымен қатар, тараптар ЕАЭО шеңберінде ауылшаруашылық өнімдеріне куәлік беру, сауда айналымы және сатып алу ережелері туралы келісімнің қабылдануын жеделдетудің жолдарын, сондай-ақ қойма куәліктерін тіркеудің электрондық жүйелерін енгізу тұрғысынан тараптардың талаптарының бірдей болуын  талқылады.

Артак Камалян одаққа мүше мемлекеттерде инвестицияны қолдану үшін ауылшаруашылық өнімдерінің кепілді маркетингі құралы ретінде құжатсыз  шығарылған ауылшаруашылық өнімдеріне қойма куәліктерінің өзара танылуын қамтамасыз етудің маңыздылығын атап өтті.

 

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.