Егістікке жеңілдікпен несие беруге 35 млрд теңге бөлінді

ҚР Ауыл шаруашылығы министрлігі 2024 жылғы егіс науқанын ерте қаржыландыруды қамтамасыз ету үшін «Кен дала» бағдарламасының операторы - Аграрлық несие корпорациясына екінші траншты аударды. Бұл туралы ведомствоның баспасөз қызметіне сілтеме жасай отырып, ElDala.kz хабарлайды.

«Бюджеттік несие шеңберінде 15 млрд теңге көлеміндегі алғашқы транш ағымдағы жылдың қаңтар айында Аграрлық несие корпорациясына жіберілді. Жалпы, ағымдағы жылы егіс және егін жинау жұмыстарын жеңілдетілген несиелеу үшін 140 млрд теңге мақұлданды, осылайша олардың үштен бірінен астамы фермерлерге келіп түсуде», - деп атап өтті Ауыл шаруашылығы министрлігінде.

Қаражат егіс жұмыстарын жүргізуді қаржыландыруға, оның ішінде топырақты дайындау және ауыл шаруашылығы техникасына қызмет көрсету, қажетті материалдарды (тұқымдар, тыңайтқыштар) сатып алу үшін жұмсалады.

«Кен дала» несиелеу бағдарламасы теңгемен жылдық 5%-дан аспайтын мөлшерлемемен түпкілікті қарыз алушы үшін қарыздарды көздейді.

Бүгінгі таңда өңірлердегі фермерлерден келіп түскен өтінімдердің саны - 1,8 мың, жалпы сомасы 62,6 млрд теңгені құрайды. 12,4 млрд теңге сомасына 294 өтінім төленді, қалған 50,2 млрд теңге сомасына 1483 өтінім Аграрлық несие корпорациясында қаралуда.