Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
«Ауыл аманаты» бағдарламасына қатысушыларға өнімді өткізуге көмек көрсетіледі
13 декабря 2024
«Ауыл аманаты» бағдарламасын іске асыруға 2025 жылы 50 млрд теңге бөлінеді. Несиелер ауыл тұрғындарына өз бизнесін ашуға немесе дамытуға беріледі. 2023 жылы іске қосылған бағдарлама аясында 16 мың микронесие берілді, нәтижесінде 17 мыңнан астам жаңа жұмыс орны құрылды. Бағдарламаның алдағы уақытта қалай дамитыны облыс әкімдерінің орынбасарлары, әлеуметтік-кәсіпкерлік корпорациялар өкілдері мен кәсіпкерлердің қатысуымен өткен республикалық семинарда талқыланды, деп хабарлады ҚР Үкіметінің баспасөз қызметі.
Премьер-министрдің орынбасары Тамара Дүйсенованың айтуынша, «Ауыл аманаты» аясында микронесие алушылар өндіретін өнімді өткізу арналарын жолға қоюға ерекше назар аудару қажет. Енді әкімдердің алдында несиелерді бөліп қана қоймай, әр жобаны толық аяқтап, табысқа жеткенше сүйемелдеу міндеті тұр.
Қазіргі уақытта төрт өңірде: Батыс Қазақстан, Шығыс Қазақстан, Қарағанды және Маңғыстау облыстарында табысты мысалдар бар. Мұнда әкімдіктер ірі кәсіпорындармен меморандумдар жасасты, бұл жергілікті өндірушілерді қолдауды қамтамасыз етуге және ауыл шаруашылығы өнімдерін өткізу үшін жағдай жасауға мүмкіндік берді. Бұл ретте өнім сапасының белгіленген стандарттарға сәйкестігіне ерекше назар аударылады.
Негізгі мақсат – өндірушілердің кірістерінің өсуіне ықпал ететін ауылшаруашылық өнімдері үшін тұрақты сату арналарын құру. Вице-премьер бұл міндетті іске асыру үшін жауапкершілік ауылдық округтердің, аудандар мен облыстардың әкімдеріне жүктелетінін атап өтті.
«Келесі жылы Ауыл шаруашылығы министрлігі 50 млрд теңге бөледі, 2026 жылы осындай сома көзделетін болады. Бұл қаражат өңірлерге нақты талаптардың орындалуын ескере отырып бағытталатын болады: жобаларда өнімді өндіру мен өткізудің нақты схемасы болуға тиіс, микронесиелерді беру/қайтару және мониторингілеу АШМ цифрлық платформасы арқылы қамтамасыз етіледі. Бұл ретте 2025 жылы бөлінген қаражаттың 20%-ын ауыл шаруашылығы техникасының лизингіне, 20%-ын ауыл шаруашылығы өнімдерін қайта өңдеу үшін және 60%-ын басқа бағыттарға пайдалану құқығы берілді», — деді Тамара Дүйсенова.
