Қазақстанда АӨК субсидиялау жүйесін өзгерту ұсынылды

Ақтөбе облысының Сүт және сүт өнімдерін өндірушілер қауымдастығының басшысы Марат Итеғұлов ElDala.kz порталымен агроөнеркәсіп кешеніндегі субсидиялау жүйесін жетілдіру бойынша өз ұсыныстарымен бөлісті.

Сарапшының айтуынша, қазір мал шаруашылығын дамытуды қолдау мақсатында Қазақстанның агроөнеркәсіп кешеніндегі мемлекеттік қолдау жүйесін жаңғыртудың өзекті қажеттілігі туындап отыр. Бұл саладағы еңбек өнімділігін арттыруға ықпал етеді.

 - Келесі реформаларды жүргізуді ұсынамын:

1. Егістік жерлердің иелерін ауыспалы егіске азықтық көпжылдық дақылдардың 20%-дан 30%-на дейін қосуды міндеттеу.

2. Егістік жерлердің иелерін мүмкіндігінше мал шаруашылығы өнімдерін қайта өңдеуді дамыта отырып, белгілі бір түрдегі мал шаруашылығымен қатар айналысуға міндеттеу.

3. Тек өсімдік шаруашылығы өнімдерін өндіруден бас тарту.

4. Субсидиялар беру шарттары ретінде жоғарыда аталған тармақтарды ескере отырып, субсидиялар беру қағидаларына өзгерістер енгізу, - деп атап өтті Марат Итеғұлов.

Оның айтуынша, мұндай тәсілдерді енгізу агроқұрылымдарға жер және еңбек ресурстарын тиімді пайдалануға, ал мемлекетке - жер ресурстарын фермерлер арасында әділ бөлуге мүмкіндік береді.

- Сондай-ақ, бұл фермерлер арасындағы мал шаруашылығы өнімдерімен салыстырғанда өсімдік шаруашылығы өнімдерін өндірудің жоғары табыстылығына қатысты дауларды тоқтатады, - деп түйіндеді Марат Итеғұлов.

Айта кетейік, мұндай бастаманы бұған дейін АӨК дамыту жөніндегі қоғамдық кеңес ұсынған болатын: ірі астық шаруашылықтарына (егістік алқабы 10 мың гектардан басталатын) өндіріс құрылымына мал шаруашылығындағы жобаларды қосу ұсынылды. Бұл қызметкерлерді жыл бойы жұмыспен қамтуға мүмкіндік береді және агроөнеркәсіп экономикасын орнықты етеді.