Жамбыл облысында жер аукциондары негізсіз тоқтатылды

Жамбыл облысының Сарысу ауданында әкімдік 2024 жылдан бастап шаруа немесе фермерлік шаруашылықтарға жер учаскелерін бөлу бойынша конкурстарды негізсіз тоқтатып, осылайша көптеген фермерлердің құқықтарын шектеді. Заңға сәйкес мұндай конкурстар жылына кемінде екі рет өткізілуі керек. Бұл туралы облыстық прокуратураның баспасөз қызметі хабарлады.

Прокуратураның араласуынан кейін заңсыз әрекет тоқтатылып, конкурстар қайта басталды.

«Қабылданған шаралардың нәтижесінде 13 кәсіпкер фермерге жалпы ауданы 4576 гектар жер берілді. Кінәлі лауазымды тұлғалар тәртіптік жауапкершілікке тартылды», - деп прокуратурада хабарлады.