ҚазАзот Qoldau.kz сайтында тыңайтқыштарды онлайн режимде сата бастады

2020 жылдың желтоқсан айынан бастап ашылған QMarket сауда сайтында «ҚазАзот» компаниясы тыңайтқыштарды сата бастады. Бұл туралы компанияның баспасөз қызметі хабарлады. ⠀

Тыңайтқыштарды сатып алу кезінде фермерлер субсидия алуға жүгіне алады.

«Келісім Qoldau.kz платформасында жасалып, ЭСҚ-мен қол қойылды. Фермерлер үшін субсидия алуға өтінім беру жеңілдетілген, өйткені сервис келісімшарттағы барлық деректерді автоматты түрде көреді. Егер аталған онлайн қызмет қолайлы болса, уақыт өте келе қазақстандық фермерлер өнімдерінің көп бөлігін интернетте сататын болады деп ойлаймыз», - деп түсіндірді «ҚазАзот» АҚ бас директоры Арман Маулешев.

Сонымен қатар,маман  интернет-сатылымның артықшылығын атап өтті, әсіресе қазіргі COVID-19 кезінде Қазақстанның көптеген аймақтары «қызыл аймақта» тұрған жағдайда бұл өте қолайлы.

Тақырыпқа байланысты оқу:  Қазақстандағы тыңайтқыш сататын ең ірі компаниялар

Сондай-ақ, баспасөз қызметі хабарлағандай, 2020 жылы «ҚазАзот» қазақстандық фермерлерге 11,3 млрд теңгеге өнім сатқаны белгілі болды. Осы қаражаттың жартысын үкімет субсидия ретінде шаруашылықтарға берді.