Шығыста сурмалы жер көлемі кеңейіп келеді

Шығыс Қазақстанның кейбір аудандарында 2018 жылмен салыстырғанда суармалы жер көлемі көбейіп келеді, деп жазды «КазахЗерно.kz».

Қазіргі кезде  Бесқарағай ауданында 3,3 мың гектар алқап суармалы, тамшылатып суғарылатын жер көлемі  2018 жылмен салыстырғанда 282 гектарға артты.

Алдағы уақытта  5 мың гектар болатын тағы екі жердегі  суаруды қалпына келтіру жоспарланып отыр. Ауылшаруашылық бөлімінде хабарланғандай, мәселені шешу үшін материалдар «КазВодХоз» АҚ-ның облыстық филиалына әрі қарай қарастыру үшін жіберілді.

Суармалы жерлерде соя, рапс, дәнді жүгері өсіру жоспарлануда. Бұл жағдай сүтті-етті мал шаруашылығының жем-шөп базасын кеңейтеді және нығайтады.

Көкпекті ауданында шаруа қожалықтарына 15 мың га жуық жер берілген, бірақ олардың 33% - дан немесе 5 мың га көп емес алқабы ғана қолданылады. АӨК-ті дамытудың бесжылдық мемлекеттік бағдарламасы аясында мұнда Көкпекті, Кіші және үлкен Букони өзендеріндегі су жүйелері қайта жаңартылады. Суару жүйелерін қалпына келтіргеннен кейін пайдаланылатын жерлердің көлемі 9,3 мың га құрайтын болады.

Тарбағатай ауданында 2019 жылы суару алаңы 2,5 мың гектарға өсіп, 15,3 мың га құрады.

Айта кетейік, Шығыс Қазақстан облысында 201 мың га суармалы жер бар. 2019 жылы олардың жартысынан аз мөлшері ғана пайдаланылды.

Естеріңізге сала кетейік, АӨК-ті дамыту мемлекеттік бағдарламасы аясында 2020 жылы Қазақстанда 182 мың га суармалы жер қалпына келтірілуі тиіс.