Ауыл шаруашылығы министрлігі басшысының міндетін Ербол Қарашөкеев атқарады

 ҚР Үкіметінің қаулысымен Қарашөкеев Ербол Шырақпайұлы ҚР Ауыл шаруашылығы вице-министрі - министрдің міндетін атқарушы лауазымына тағайындалды. Бұл туралы Үкімет басшысының баспасөз қызметі хабарлады.

ҚР Премьер-министрі Асқар Мамин Қарашөкеевті Ауыл шаруашылығы министрлігінің ұжымына таныстырды.

Ербол Қарашөкеев бұған дейін «ҚазАгро» холдингінің Басқарма төрағасы болып қызмет атқарды, сондай-ақ Президент Әкімшілігінде, қаржы және ауыл шаруашылығы министрліктерінде түрлі лауазымдарда жұмыс істеген.

Естеріңізге сала кетейік, бүгін ҚР президенті Сапархана Омаровтың Ауыл шаруашылығы министрі лауазымынан отставкаға кету туралы жарлыққа қол қойды. Оның себебі жем-шөп тапшылығына байланысты жағдай болды, нәтижесінде екі өңірде мал қырылды.