Қазақстанда шалғын көбелек 17 мың гектарды басып қалды
Ағымдағы жылы еліміздің солтүстік өңірлерінде, Ақтөбе және Шығыс Қазақстан облыстарында климаттық жағдайларға байланысты шалғын көбелектің жаппай көбею қаупі айтарлықтай өсті. Бүгінгі таңда 306,59 мың га жерге фитосанитариялық тексеру жүргізілді. Көбелектердің таралуының жалпы ауданы 16,979 мың гектарды құрайды, оның ішінде 2,892 мың гектары Ақтөбе облысында орналасқан. Бұл туралы Ауыл шаруашылығы министрлігінің баспасөз қызметінен хабарлады.
«Көбелектер негізінен мемлекеттік қордағы жерлердің арамшөптерінде, сондай-ақ дәнді және майлы дақылдар егістігінде байқалады», - деп нақтылады АШМ.
Ауыл шаруашылығы министрінің міндетін атқарушының тапсырмасы бойынша Агроөнеркәсіптік кешендегі мемлекеттік инспекция комитетінің төрағасы Алмабек Марс Ақтөбе облысына шалғын көбелекке қарсы күрес бойынша қажетті басқарушылық шешімдерді қабылдау және жұмыстарды ұйымдастыру үшін іссапарға жіберілді.
Тақырыпқа байланысты оқу: Ақтөбе облысында шегірткені жою шаралары жүргізілуде
Баспасөз қызметі хабарлағандай, ауыл шаруашылығы өндірушілерінің бастамасымен 2020 жылдан бастап шалғындық жерлерді қорғау шараларын жүргізудегі жауапкершілік жергілікті атқарушы органдардың құзыретінен фермерлердің қарауына беріліп, пестицидтердің құнын 50% -ға дейін өтеуге субсидия бөлінетіндігін атап өтті. Ағымдағы жылы пестицидтерді субсидиялауға 32,3 млрд теңге бөлінді, оның ішінде Ақтөбе облысына - 545,8 млн теңге берілді.
Сондай-ақ, өсімдікті жәндіктерден қорғау құралдарды және су бүріккіштерді арзандату үшін инвестициялық субсидиялар беру шеңберінде шаруа және фермер қожалықтарына өздігінен жүретін бүріккіш техника құнының 50% -ға дейін өтейді. Отандық тракторлар бойынша құны 30% -ға дейін, импорттық өндіріс үшін 25% -ға дейін субсидиялар қарастырылған.
Сонымен қатар, қазіргі уақытта Ақтөбе облысының әкімдігі 2,2 мың га жерге химиялық өңдеу жүргізуге қаржы бөлді. Зиянкестерден қорғау іс-шараларын жүргізуге керекті бүріккіш техника - газ генераторларын қолдану арқылы жасалатын болады.