Азық-түлік корпорациясы 500 мың тонна астықты ішкі нарыққа жібермек

Азық-түлік келісім-шарт корпорациясы бағаны тұрақтандыру үшін мемлекеттік резервтен ішкі нарыққа 500 мың тонна астық жібереді. Бұл туралы Ауыл шаруашылығы министрлігінің баспасөз қызметі хабарлады.

Ауыл шаруашылығы министрлігінің деректері бойынша, 2021 жылғы егіннен форвардтық сатып алу бағдарламасының қорытындысы бойынша азық-түлік корпорациясы 930 мың тонна көлемінде астық ресурстарын қалыптастырды. Оның ішінде азық-түлік бидайының қоры 880 мың тоннаға жетті.

Тақырып бойынша оқу: Азық-түлік корпорациясы форвардтық сатып алу сомасын екі есеге арттырады

Әлеуметтік нан бағасының тұрақтылығын қамтамасыз ету үшін Азық-түлік корпорациясы ағымдағы жылдың қаңтар айынан бастап ұн тарту комбинаттарына жеңілдетілген бағамен 275 мың тонна бидай сатуда.

Бұдан басқа, еліміздің құс және мал шаруашылығы кәсіпорындарына жеммен қамтамасыз ету үшін шамамен 235 мың тонна астық пен кебек жіберілетін болады.