Түркістан облысында тұқым шаруашылығын дамытуға субсидия көлемі анықталды

Түркістан облысының әкімдігі "2022 жылға өсімдік шаруашылығы өнімінің шығымдылығы мен сапасын арттыруды субсидиялауды бекіту туралы" қаулы жобасын дайындады. Құжат Ашық НҚА сайтында жарияланды.

Құжатпен тұқым шаруашылығын дамытуға арналған субсидиялар көлемі, субсидияланатын тыңайтқыштар түрлерінің (органикалық тыңайтқыштарды қоспағанда) тізбесі және тыңайтқыштарды сатушыдан сатып алынған тыңайтқыштардың 1 тоннасына (литріне, килограмына) арналған субсидиялар нормалары, сондай-ақ тыңайтқыштардың құнын арзандатуға арналған субсидиялар көлемдері бекітіледі.

Тақырып бойынша оқу: ҚР-да фермерлерге жеңілдетілген несие беру артады

Қаулы жобасына сәйкес, тұқым шаруашылығын дамытуды субсидиялауға барлығы 600 млн теңге бөлінді. Тыңайтқыштардың (органикалық тыңайтқыштарды қоспағанда) құнын арзандатуға субсидиялар көлемі 4,5 млрд теңгені құрайды.

Құжаттың толық мәтінімен осы жерде танысуға болады.