Ұн экспортына квота алушылар анықталды

Келіп түскен өтінімдерді қарастыру қорытындысы бойынша, 2020 жылғы сәуірге ұн экспортына квота алуға өтініш берушілердің тізімі белгілі болды. Аталған ақпарат ҚР Ауыл шаруашылығы министрлігінің сайтында хабарланды.

Ұн экспортына квота алу үшін 74  компания өтініш берген. Өтінім берушілердің тапсырысын қосқанда барлығы 258,6 мың т болды, ал бөлінетін квота мөлшері  55,2 мың тонна мен 6,77 мың тонна аралығында.

Ең ірі тапсырыс беруші  компаниялар: «САЛАМАТ» — 25 мың т (квота - 6,77 мың т), «АзияАгроФуд» — 11,65 мың т (квота — 3,15 мың т) және «Атамекен-Дос» — 10,5 мың т (2,84 мың т). 

Тақырыпты оқу: Ұн өндірушілер қазақстандық ұнға салынған квотаға қарсы

Министрліктен  алатын квота ұнның экспортына сәйкес жүргізіледі және ішкі нарыққа ұнды кепілді түрде жеткізу туралы ресми растау-хаттан кейін ғана беріледі. Кепілдікпен берілетін ұнның мөлшері экспортқа шығарылатын көлеммен есептеледі.

Естеріңізге сала кетейік, сәуір айы квотасының жалпы көлемі 70 мың тонна ұнды құрайды.