Қазақстан 5 жыл ішінде ЕАЭО-ға экспорттайтын көкөніс көлемін төрт есеге арттырды

Соңғы 5 жыл ішінде Қазақстан ЕАЭО елдеріне шығаратын көкөніс экспортын 4 есеге дейін ұлғайтты, $9 млн-нан $35,7 млн-ға дейін артты. Жеміс экспорты осы уақыт аралығында екі есеге, ал сүт өнімдері - үш есеге өсті. Бұл туралы Ауыл шаруашылығы министрлігінің баспасөз қызметі хабарлады.

Жалпы, 2020 жылы ауылшаруашылық өнімдерінің экспорты 2016 жылмен салыстырғанда 1,5 еседен астамға өсіп,- $2,7 млрд-қа дейін жеткен.ЕАЭО-ға мүше-мемлекеттеріне ауыл шаруашылығы өнімдерін жеткізу көлемі 5 жыл ішінде орта есеппен 26% -ға өсті.

«2016 жылдан бастап Қазақстан ЕАЭО елдеріне көкөніс экспортын 4 есеге ( $9,1 млн-нан  $35,7 млн-ға дейін), жемістерді - 2 есеге ( $8,7 млн-нан $16,2 млн-ға), с.т өнімдерін- 2,9 есеге арттырды (2020 жылы $17,2 млн-нан $49,5 млн-ға артты). Қазақстанның ауыл шаруашылығы және қайта өңдеу өнімдерін экспорттау көлемін едәуір арттыруға мүмкіндігі бар», - деді Ауыл шаруашылығы вице-министрі Руслан Манатаев ОКҚ брифингінде.

Ол сонымен қатар, пандемияға байланысты экономикалық өсімнің баяулауына қарамастан, 2020 жылдың соңына қарай Қазақстанда ауылшаруашылық өндірісі 5,6% -ға өсті, ал орта есеппен ЕАЭО елдері бойынша бұл көрсеткіш 2,3% -ды ғана құрады.

Тақырыпқа байланысты оқу: ЭҚР-да азық –түлік өнімдерін экспорттау үш жыл ішінде 5,3%-ға артты

Ауылшаруашылық өнімдерін өндіру мен экспорттаудың өсуі Қазақстанның ЕАЭО-ға мүше болуының арқасында ашылған мүмкіндіктерге байланысты болды.

«Еуразиялық одақ барлық мүше мемлекеттердің экономикаларының тұрақты дамуы үшін жағдай жасау және ұлттық өндірушілердің бәсекеге қабілеттілігін арттыру мақсатында құрылды. ЕАЭО туралы шартқа сәйкес агроөнеркәсіптік кешенде әділ бәсекелестікті қамтамасыз етуге, сондай-ақ ресурстық әлеуетті тиімді түрде жүзеге асыруға және жалпы ауылшаруашылық нарығына қол жеткізу үшін жақсы жағдайлар жасауға бағытталған саясат жүзеге асырылуда», - деді Ауыл шаруашылығы министрінің орынбасары.

Осы мақсатта ЕАЭО орташа мерзімге арналған АӨК болжау жасалған жоспар жасады. Аталған жобада  асыл тұқымды өнімдерді өндіруге қойылатын талаптарды біріздендіруге бағытталған келісім қабылданды және жұмыс жүргізілуде экспортты дамыту саласындағы келісілген іс-әрекеттер жасалуда. Сонымен қатар, 6 техникалық регламент қабылданды: «Астық қауіпсіздігі туралы», «Сүт және сүт өнімдерінің қауіпсіздігі туралы», «Ет және ет өнімдерінің қауіпсіздігі жайлы», «Минералды тыңайтқыштарға қойылатын талаптар туралы», «Балық және балық өнімдерінің қауіпсіздігі» және «Жеміс-көкөніс шырындары өнімдерінің техникалық регламенттері».