Қазақстанның фермерлері картопты 180 теңге/кг сатуда
ElDala.kz порталының командасы АгроКеруен Егістік 2022 үшінші күні Павлодар облысындағы көкөніс өндірісіндегі аймақ көшбасшыларының бірі "Набережное" шаруа қожалығына барды.
Шаруашылық басшысы Зейнолла Сальменбаевтың айтуынша, ағымдағы жылы мұнда суарудағы егіс алқаптарын қазіргі 3 мыңнан 4,5 мың гектарға дейін ұлғайту жоспарланып отыр, тиісінше өнім де өседі. Алайда, өнімді сату мәселесі қиын болып қала береді. Биыл Ауыл шаруашылығы министрлігі алдымен картопты шетелге әкетуге уақытша тыйым салды, содан кейін экспортқа квоталар берді. Нәтижесінде шетелдік серіктестерге дәстүрлі жеткізілімдер үзілді.
"Негізгі көкөніс өнімдерін Өзбекстан мен Түркіменстанға жеткіземіз, Ресей де сатып алады. Өткен жылы шекара жабылған кезде барлық өнімдерді қоймаларға салуға тура келді. Бірақ қазір баға жаман емес, біз әлі күнге дейін картопты кг үшін 170-180 теңгеден сатамыз, бидайды кг үшін 130 теңгеден сатамыз. Мұндай бағалар әзірше дамуға, тыңайтқыштар мен гербицидтерге жұмсалатын шығындардың өсуін жабуға мүмкіндік береді. Әрине, күзде осы маусымдағы ауыл шаруашылығы өнімдерінің бағасы төмендеуі мүмкін - барлығы егін жинап алған кезде нарықта тауар көп болады, және барлығы оны тез арада сатқысы келеді", - деп атап өтті Зейнолла Сальменбаев.
Айта кету керек, "Набережное" - да 50 мың тоннаға дейін картоп сақтауға мүмкіндік беретін климаттық қоймалар бар.
Естеріңізге сала кетейік: АгроКеруен Егістік 2022 Агромарт, Ростсельмаш және ЕуроХим компанияларымен серіктестікте жүргізілуде. "Набережноеға" бару туралы репортажды мына жерден оқыңыздар: