Қазақстандық еңбеккерлер жоспарланған егіс алқабының төрттен бір бөлігін отырғызды

Қазіргі кезге дейін қазақстандық аграршылар жоспарланған егіс алқабының төрттен бірін отырғызды. Көктемгі егін егу жұмыстарының қарқыны туралы Ауыл шаруашылығы министрлігінің баспасөз қызметі хабарлады.

15 мамырда Ауыл шаруашылығы министрлігінің мәліметінше, ауыл еңбеккерлері 3 миллион гектар жерге жаздық дәнді дақылдар мен  бұршақ дақылдарын себуге қол жеткізді. Бұл осы дақылдарды көктемде егуге бөлінген жалпы алаңның 20 %-ын құрайды.

Майлы дақылдар қазірдің өзінде миллион гектарға егілді. Бұл жоспарланған жұмыс көлемінің 32%-ы болып табылады.

309 мың га жерге көкөністер мен бақша дақылдары және картоп егу жұмыстары аяқталды, бұл жоспардың 65,5 % -ын құрайды.

Көпжылдық өсімдіктерді  (228,5 мың га немесе 81,2%), мақтаны (101,7 мың га немесе 92,5%) және қант қызылшасын (20,4 мың га немесе 92,7%) егу аяқталуға жақын қалды.

2020 жылы ауылшаруашылық дақылдарының жалпы көктемгі егісі 18,6 млн. га алқапқа егу жоспарланған еді, бұл өткен жылмен салыстырғанда шамамен 300 мың гектарға артық. Қазіргі уақытта фермерлер 4,5 миллион гектардан астам жерге немесе 25 пайызына отырғызды.

Ауыл шаруашылығы министрлігінің мәліметінше, былтырғы 2019 жылы 15 мамырға дейін алқаптың жартысы ғана егілген еді: бар-жоғы 2,2 миллион гектар немесе жалпы егіс алқабының 12 пайызы отырғызылған болатын.