АШМ ауылшаруашылық өнімдерін форвардты сатып алудың болжамды бағаларын анықтады
Қазақстан Республикасының нормативтік актілерінің ақпараттық-құқықтық жүйесінде Ауыл шаруашылығы министрінің «2020 жылға арналған ауылшаруашылық өнімдерін форвардты сатып алу ережелерін бекіту туралы» бұйрығы жарияланды.
Аталған құжатта форвардты сатып алу арқылы алынған ауылшаруашылық өнімдерінің болжамды бағалары жазылған.
| Дақылдың атауы | Сатып алынатын болжамды баға, теңге | |
| ҚҚС-ты есептемегенде | ҚҚС-ты есептегенде | |
| 3 сыныпты жұмсақ бидай | 62 500 | 70 000 |
| 4 сыныпты жұмсақ бидай | 53 571 | 60 000 |
| Арпа | 44 643 | 50 000 |
| Майлы дақылдар (күнбағыс, рапс, зығыр) | 89 286 | 100 000 |
| Қарақұмық | 44 643 | 50 000 |
Бұйрыққа сәйкес форвардты сатып алуды қаржыландыру 2020 жылға арналған республикалық бюджетте көзделген қаражаттың есебінен және соның мөлшерінде жүзеге асырылады. Аванстық төлем сатып алынатын өнімнің болжамды бағасынан 75%-дан аспайды.
Ауылшаруашылық тауар өндірушілерінің міндеттемелерін орындау мерзімі - 2020 жылдың 15 қарашасы. Форвардты сатып алудың басталуы туралы ақпарат Ауыл шаруашылығы министрлігінің, Қазагро және Азық-түлік келісім корпорациясыныңинтернет-ресурстарында жүктелген.
Форвардтық сатып алу фермерлерден салық берешегі, міндетті зейнетақы жарналары, міндетті кәсіптік зейнетақы жарналары және әлеуметтік сақтандыру жарналары, қаржы институттарындағы 90 күннен астам мерзімі өткен берешегі болмаған жағдайда жүзеге асырылады. Сондай-ақ, фермерлер төлем жасай алмайтын борышкерлер тізіміне енбеуі керек.