Қазақстанда бидай экспортының әлеуеті бағаланды
Астық жөніндегі халықаралық кеңестің бағалауы бойынша, биылғы маусымда Қазақстанда бидай жинау 16 млн тоннадан асуы мүмкін. Өтпелі қалдықтармен бірге бұл 10 млн тоннадан жоғары экспорттық әлеует туралы айтуға мүмкіндік береді.
Айта кету керек, ҚР теміржол инфрақұрылымы айына 1 млн тоннадан 1,2 млн тоннаға дейін астық жүктерін жөнелтуге мүмкіндік береді, бұл егінді әкету үшін жеткілікті болып көрінеді. Бірақ мәселе мынада, жыл бойына жөнелтуге сұраныс біркелкі емес. Трейдерлердің қажеттілігі күзде ең жоғары деңгейге жетеді, бұл кезде өтінімдер (өткен жылдардағы тәжірибе бойынша) теміржол мүмкіндіктерінен бірнеше есе асып кетуі мүмкін.
Ең бастысы, биылғы маусымда бидай өнімі 16 млн тонна емес, 20 млн және одан да жоғары болуы мүмкін, бұл туралы сарапшылар мұқият ескертеді.
Сонымен қатар, қазіргі уақытта Қазақстанда Қытай бағытында өткізу қабілетін кеңейту бойынша жұмыс жүргізілуде. Достық - Алашанькоу және Алтынкөл - Қорғас темір жол тораптары шекте жұмыс істейді, олардың жылдық ең жоғары өткізу мүмкіндігі - барлық түрдегі 28 млн тоннаға жуық жүк. Қазір Достық - Мойынты учаскесінде екінші жол құрылысы жүріп жатыр, бұл осы учаскеде өткізу қабілеттілігінің бес есе өсуіне мүмкіндік береді. Іске қосу 2025 жылдың соңына жоспарланып отыр, бірақ осы жылдың соңына қарай Ақтоғай - Достық учаскесі ішінара іске қосылады.
Сондай-ақ, ҚР-ҚХР үшінші теміржол өткелінің құрылысы жоспарланған, бұл Қазақстан мен Қытай арасындағы жүк айналымын жылына тағы 20 млн тоннаға арттыруға мүмкіндік береді.
Өткізу қабілетін кеңейту бойынша жұмысты Қытай тарапы да жүргізуде.
Толығырақ оқу: Қазақстан рекордтық өнімді шығара ала ма?