Қазақстанда бидай бағасы өсті

Фото көзі: ElDala.kz

3-сыныпты бидай (желімшесі 23-24%) өткен аптада тоннасына 91-94 мың теңгеге дейін қымбаттады. Бір апта бұрын ол 89-93 мың теңгеден сатылған. 4 және 5 сыныпты бидай тоннасына 86 және 84 мың теңгеден тиісінше 88 және 85 мың теңгеге дейін өсті. Бағаның өсуіне жемдік ұн өндірушілер мен экспорттаушылардың сұранысының артуы әсер етті. Бұл туралы Қазақстанның Астық одағының талдау департаментінің басшысы Евгений Карабанов өзінің Telegram-арнасында хабарлады.

ЕТС биржасында өткен аптада 3-сыныпты 14,8 мың тонна бидай сатылды (барлық бағалар 12% ҚҚС есебімен):

• желімшесі 23-25% - тоннасына 97 мың теңге;
• желімшесі 27% -  тоннасына 130 мың теңге;
• және hi-pro (желімшесі 30%) - тоннасына 135 мың теңге.

Сонымен қатар, ЕТС-да бірнеше экспорттық мәмілелер жасалды:

• 3-сыныпты бидай (желімшесі 26%) - DAP Сарыағаш шарттарында ҚҚС-сыз тоннасына 121 247 теңге (237 доллар) бағасы бойынша 3 мың тонна;
• санаттан тыс бидай -  DAP Сарыағаш шарттарында ҚҚС-сыз тоннасына 100 020 теңге (196 доллар) бағасы бойынша 1,8 мың тонна;
• 4-сыныпты бидай - DAP Түрксіб шарттарында ҚҚС-сыз тоннасына 92 630 теңге (182 доллар) бағасы бойынша 2,1 мың тонна.

«Астықтың экспорттық нарығы көп өзгеріссіз. Импорттаушылар өз егінін күтіп бағаны көтеруге әлі дайын емес, ол былтырғы құрғақшылықтан аз болады», - деп атап өтті Евгений Карабанов.

Сондай-ақ, өткен аптада ҚР ішкі нарығында белсенді сұраныс пен ұсыныстардың тапшылығына байланысты зығыр тұқымдарының бағасы өсті: тоннасына 295-305 мың теңгеден 300-305 мың теңгеге дейін.

Зығырдың экспорттық бағасы да біршама өсті, ЕО-да зығыр өткен апта деңгейінде сатылды - маусым айында жеткізіліммен CIF Гент тоннасына 870 доллар. Сатып алушылар қыркүйек айында CIF Гентке жеткізіліммен қазақстандық зығырдың жаңа өнімінің бағасын тоннасына 650-660 доллар деңгейінде белгілей бастады.

Қазақстанның Астық одағының Талдау комитетінің деректері бойынша, 19-25 мамыр аралығында EXW (элеватор) шарттарындағы бағалар 12% ҚҚС-пен келесідей (тоннасына мың теңгемен) қалыптасты:

• 3-сыныпты бидай (желімшесі - 23-24%) – 91-94
• 3-сыныпты бидай (желімшесі - 25-26%) – 94-97
• 3-сыныпты бидай (желімшесі - 27%) – 110-113
• 3-сыныпты бидай (желімшесі - 28-29%) – 123-126
• 3-сыныпты бидай (желімшесі - 30+) – 137-141
• 4-сыныпты бидай – 88-91
• 5-сыныпты бидай – 85-88
• жемдік арпа – 87-91
• зығыр тұқымдары – 300-305

Экспорттық бағалар, тоннасына/USD:

• 3-сыныпты бидай (желімшесі - 23-24 %) – 210-215 DAP Сарыағаш
• 3-сыныпты бидай (желімшесі - 25-26%) – 215-220 DAP Сарыағаш
• 3-сыныпты бидай (желімшесі - 27%) – 255-260 DAP Сарыағаш
• 3-сыныпты бидай (желімшесі - 28-29%) – 280-285 DAP Сарыағаш
• 3-сыныпты бидай (желімшесі - 30+) – 305-315
• 4-сыныпты бидай – 203-208 DAP Сарыағаш
• 5-сыныпты бидай – 201-205 DAP Сарыағаш
• зығыр – 580-590 FCA - жөнелту бекеті
• арпа – 208-212 DAP Сарыағаш
• арпа – 235-238 FOB Ақтау
• арпа – 215-218 DAP Достық/Алтынкөл
• қазақстандық ұн (Атта -  ауған ұнтақтау) – 240-245 DAP Сарыағаш
• 1 с. ұн – 295-300 DAP Сарыағаш

ж/с ұн – 390-395 DAP Caрыағаш