Қазақстандық астық экспорты 9,8 млн тоннаға жетті

Қазақстан 2024 жылғы қыркүйектен бастап 2025 жылғы 10 тамызға дейін 9,8 млн тонна астық экспорттады, бұл өткен маусымның ұқсас кезеңімен салыстырғанда 55%-ға жоғары. Бұл туралы ҚР Ауыл шаруашылығы министрлігінің баспасөз қызметі хабарлады.

ҚТЖ ҰК деректері бойынша ағымдағы маусымда астық жеткізудің келесі серпіні қалыптасты:

• Өзбекстанға 34,4%-ға, 2,75 млн тоннадан 3,7 млн тоннаға дейін өсті;
• Тәжікстанға 46%-ға, 960 мың тоннадан 1,4 млн тоннаға дейін өсті;
• Ауғанстанға 51,6%-ға, 217 мың тоннадан 329 мың тоннаға дейін өсті;
• Қырғызстанға екі есе өсім: 131 мың тоннадан 262 мың тоннаға дейін;
• Иранға 16 есе өсті: 61 мың тоннадан 974 мың тоннаға дейін;
• Әзірбайжанға 121 есе өсті: 6 мың тоннадан 728 мың тоннаға дейін.

«Жеткізу көлемінің айтарлықтай өсуі сыртқы нарықтардағы қазақстандық астыққа деген жоғары сұранысты көрсетеді және экспорт географиясын кеңейту, сондай-ақ логистикалық инфрақұрылымды жетілдіру бойынша іске асырылып жатқан шаралардың тиімділігін көрсетеді», - деп атап өтті Ауыл шаруашылығы министрлігінде.