Ресей қазақстандық астық транзитіне тарифтерді көтерді
РТЖ Балтық және Финляндия елдеріне және осы елдерден жүк тасымалдау тарифтерін көтереді. Оның ішінде, 15 маусымнан бастап Ресей-Латвия, Ресей-Эстония, Ресей-Финляндия шекара өткелдері арқылы Ресей темір жолдары аумағы бойынша транзиттік тарифтерге 1,359 коэффициенті қолданылатын болады. Бұл туралы Қазақстанның Астық одағының талдау комитетінің басшысы Евгений Карабанов мәлімдеді.
Сонымен қатар, 1 маусымнан бастап РТЖ станцияларынан тариф көтеріледі (коэффициент 2). Басқа елдерге транзиттік тарифке базалық коэффициент 1,087 мөлшерінде белгіленген.
«Бұл іс жүзінде Ресей арқылы транзиттің базалық деңгеймен салыстырғанда шамамен 25%-ға қымбаттауын білдіреді. Ағымдағы маркетингтік жылы (қыркүйек - тамыз) қазақстандық экспорттаушылар негізінен Эстония мен Латвия порттары арқылы ЕО-ға дурум бидайы мен зығыр тұқымын жөнелтті. Латвия және Эстония порттары арқылы жөнелтілетін қазақстандық дәнді және майлы дақылдар үшін транзиттік тарифтің қымбаттауы тоннасына 16-18 долларды құрайды», - деп түсіндірді Евгений Карабанов.
Сарапшы көлік шығындарының артуы экспорттық маржаның азаюына және қазақстандық өнімдердің еуропалық нарықтағы бағалық жағдайының нашарлауына әкелетінін атап өтті.
Сондай-ақ, Евгений Карабанов Қазақстан ЕО-ға майлы зығыр тұқымын негізгі жеткізуші болып табылатынын еске салды. DG AGRI TAXUD Customs Surveillance System деректері бойынша, 2025 жылғы 1 шілдеден бастап 2026 жылғы 17 мамырға дейін ЕО елдері Қазақстаннан 416,2 мың тонна зығыр тұқымын немесе 579,9 мың тонна жалпы импорттың 72%-ын импорттады. Бұл өткен МЖ-ның ұқсас кезеңінен 87%-ға жоғары. Жеткізілімдердің өсуіне 1 қаңтардан бастап ЕО-ның ресейлік зығыр тұқымына импорттық кедендік бажының 50%-ға дейін өсуі ықпал етті.
ҚТЖ деректері бойынша, ағымдағы МЖ қыркүйек-наурыз айларында Қазақстан Балтық елдері мен олардың порттары бағытында 344 мың тонна дәнді және майлы дақылдар экспорттады.
Сонымен қатар, Қазақстанда магистральдық теміржол желісі (МТЖ) қызметтеріне тарифтер көтерулуі мүмкін; бұл өзгерістер қазіргі уақытта талқылануда.
«Ресей темір жолдарының транзиттік мөлшерлеме мен «ҚТЖ» ҰК» АҚ инфрақұрылымдық тарифінің бір мезгілде өсуі қазақстандық экспорттаушыларға қос тарифтік қысымның әсерін туғызады. Мұндай жағдайда бірқатар еуропалық бағыттар экономикалық тұрғыдан тиімсіз болуы мүмкін», - деп атап өтті Евгений Карабанов.