Қазақстанда астық қоры бір айда 1,4 млн тоннаға азайды

Қазақстанда 1 мамырдағы мәлімет бойынша астық және бұршақ дақылдарының қоры 8 млн 007 мың 278 тоннаны құрады. Алдыңғы айда бұл көрсеткіш 1 млн 380 мың 419 тоннаға төмендеу болды. Бұл туралы Ұлттық статистика бюросы хабарлады.

Статистикалық мәліметтерге сәйкес, 1 мамырдағы жағдай бойынша азық-түлікке арналған астық және бұршақ дақылдарының қоры 5,671 млн. тонна болды, оның ішінде тұқымдар үшін - 1,5 млн. тонна, жемшөп үшін - 834,9 мың тоннаны құрады.

Бидай қоры 6,4 млн тоннаға дейін (4,9 миллион тонна - азық-түлік, 1,2 млн тонна - тұқым, 261,2 мың тонна - жем), жүгері - 138,7 мың тоннаға дейін азайды (25, 6 мың - азық-түлік, 2,1 мың тонна - тұқым, 110,9 мың - жем).

Күріштің қоры 233,2 мың тонна, арпа - 978,8 мың тонна, қара бидай - 11,3 мың тонна, сұлы - 84,3 мың тонна, қарақұмық - 14,3 мың тонна, тары - 9, 9 мың тонна, дәнді дақылдардың қоспасы - 24,6 мың тоннаны құрады.

Тақырыпқа байланысты оқу: Қазақстан астық экспортын 9 млн тоннаға дейін арттырады

Республикадағы аймақтарда дәнді және бұршақ дақылдарының ең көп қоры Ақмола облысында  - 2,5 млн тонна, Солтүстік Қазақстанда - 1,7 млн ​​тонна, Қостанайда - 1,6 млн тонна, Шығыс Қазақстанда - 444,2 мың тонна, Қарағандыда - 418,9 мың тонна.