АШМ 15,3 млн тонна астық жинауды болжауда

Алдын ала жасалған болжамға сәйкес, биылғы жылы дәнді дақылдар 15,3 млн тонна деңгейінде жиналады деп күтілуде, оның 10,5 млн тоннасын бидай болады. Бұл туралы ҚР Ауыл шаруашылығы министрлігінің баспасөз қызметінен хабарлады.

Бүгінгі таңда дәнді-бұршақты дақылдар Алматы, Шығыс Қазақстан, Жамбыл, Батыс Қазақстан, Қызылорда және Түркістан облыстарында жиналып жатыр. 10 тамыздағы мәлімет бойынша, 1135,1 мың тонна астық бастырылды. Астық түсімінің орташа көрсеткіші 11,8 ц/га құрайды, бұл өткен жылғы деңгейден 39% -ға төмен (2020 жылдың осы кезеңіндегі орташа түсімділік 19,4 ц/га).

«Облыс әкімдіктерінің алдын ала жасаған мәліметтеріне сәйкес, биылғы жылы жалпы астық жинау 15,3 млн тонна болады деп күтілуде. Аталған көлем республиканың ішкі қажеттілігін толық қамтамасыз етеді, сондай-ақ қажетті мөлшердегі астықты экспортқа өткізу үшін жеткілікті екенін ерекше атап өтуге болады», - деп хабарлады баспасөз қызметі.

АШМ мәліметінше, негізгі астық өсіретін өңірлер астықты жаппай жинауға тамыздың үшінші онкүндігінде кіріседі.

Жалпы, дәнді дақылдар өсірудің көлемі 2020 жылға қарағанда 24,7% -ға төмен, оның ішінде бидай - 26,5% -ға төмендейді деп күтілуде. Бұл ағымдағы жылы ауыл шаруашылығы дақылдарының көлемі өткен жылғыдан 322,1 мың га - 23 млн га жоғары. Дәнді дақылдар алқабы 15,9 млн га (107,3 мың га артық), бидай - 12,9 млн га (694,3 мың га артық) болуда.

Өнімділіктің төмендеуі құрғақшылықтың салдары болып табылады. Облыс әкімдіктерінің деректері бойынша 5 тамыздағы жағдайға сәйкес дәнді дақылдар егістігі жайлы мәлімет:

• жақсы деңгейде- 4 540,7 мың га немесе дәнді дақылдардың жалпы егіс алқабының 29,1%;

• қанағаттанарлық - 8 672,7 мың га немесе 55,7%;

• нашар - 2 196,4 мың га немесе 14,1%;

• 176,1 мың га немесе 1,1% өнбей қалды.

Тақырыпқа байланысты оқу: «Егістіктен 40 ц/га астық жиналады»

Ең көп дақыл шықпай қалған Қостанай облысы болып табылады, онда жауын-шашынның болмауы қатты атмосфералық жағдайқа әкелді және топырақ құрғақшылығы да болды. Қазгидрометтің мәліметінше, негізгі астық өсіретін өңірлерде мамыр-шілде айларында жауын-шашын болды, Ақмола бойынша - норманың 49%, Қостанай облысы бойынша - 55%, СҚО бойынша - 66%.

Жалпы, жиын-терін науқаны штаттық режимде өтіп жатыр, астық жинау қарқыны өткен жылғыдан асып түсуде. 10 тамызға аталған өңірлердің жалпы астық алқабының 45,5% жиналды, ал 2020 жылы бұл уақытта 42% жиналған болатын.

Естеріңізге сала кетейік, Қазақстан 2020 жылы 20 млн 113,7 мың тонна дәнді-бұршақты дақылдар жинады. Орташа өнімділік 12,8 ц/га (2019 жылы 11,5 ц/га жиналған еді) құрады.