Қостанай облысындағы ауыл тұрғындары «бруцеллез ауруы» деп жүз шақты сиырды союға асығыс тапсырған

Қостанай облысындағы Белозерка ауылының тұрғындары малдарды бруцеллез ауруына шалдыққан деген күдікпен жүз бас ірі қараны союға тапсырды, бірақ диагноз нақты болмағандықтан, олар өтемақы ала алмайды. Бұл туралы «Хабар 24» мәлімдеді.

Ауылдағы ірі қара малды бруцеллез болды деуге көктемдегі қан анализі себеп болған. Мал иелеріне сиырларын союға тапсыру ұсынылды, содан кейін ауыл тұрғындары союға жүз сиыр жіберген.

Алайда кейіннен болған сот отырысы барысында мұны істеуге болмайтындығы белгілі болды, өйткені мұндай жағдайлар туралы аудандық инспекциядан ешқандай нұсқау болмаған. Бірақ бұл туралы халық малдарды сойғаннан кейін екі ай өткен соң хабардар болған.

 Ветеринария бөлімі басшысының орынбасары айтуынша, бруцеллезбен «күмәнді» түрде ауырды деген сиырлар әр 15-20 күн сайын инфекцияға байланысты қосымша тексеруден өтуі керек болатын. Бұл процедура ауылда жүргізілмеді.

«Ірі қара малға бруцеллез ауруына оң тест тапсырылуы керек. Күмәнді - теріс немесе оң нәтиже болғанша тергеу жүргізілуі керек. Біздегі ақпарат бойынша, мал иелері сиырларын тексерместен өз еріктерімен тапсырған», - деді Қостанай облысы әкімдігінің ветеринария басқармасы басшысының орынбасары Бауыржан Бекет.