Ресей ЕО-дан Қазақстанға мал транзитін ашудан бас тартты
Еуроодақтан Қазақстанға тірі малды жеткізу Ресейдің өз аумағы арқылы транзитке тыйым салуымен қиындады. Россельхознадзор басшысы Сергей Данкверт ҚР ауыл шаруашылығы вице-министрі Аманғали Бердалинмен әңгімелесуінде қазіргі уақытта аусылдың таралу қаупіне байланысты тыйым салу туралы шешім қайта қаралмайтынын айтты. Әңгіме қорытындысы туралы Россельхознадзорда айтылды.
«Қазақстандық өкілдер тірі жануарларды Ресей аумағы арқылы үшінші елдерге, оның ішінде Қазақстанға транзиттік тасымалдауға қызығушылық білдірді. Сергей Данкверт ЕО-да аусылдың таралуы туралы жағдайға қатысты Россельхознадзордың сұрауына ЕО тарапынан жауаптың болмауы аталған мәселені шешуге кедергі келтіретінін айтты», - деп ведомствода хабарлады.
Естеріңізге сала кетейік, 2025 жылы аусыл ауруы Германия, Венгрия және Словакиядағы фермаларда тіркелген. Россельхознадзор ЕО-ның басқа елдерінде де инфекцияның таралу қаупі бар деп санайды, осыған байланысты қаңтарда Ресей Еуропалық Одақтың барлық аумағынан мал өнімдерін әкелуге тыйым салды.