Қазақстанда ІҚМ экспортына тыйым салынады

Сиыр етінің бағасы жыл басынан бері 11,9%-ға өсті. Одан әрі қымбаттауды болдырмау үшін Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның шешімімен үш ай мерзімге ірі қара малды экспорттауға тыйым салынады. Бұл туралы ҚР премьер-министрінің баспасөз қызметі хабарлады.

Естеріңізге сала кетейік, соңғы жарты жылда Қазақстанда бұқашықтардың экспортына 85 мың бас квота қолданылды. Квоталардың қолданылуының аяқталуына байланысты Ауыл шаруашылығы министрлігі бұқашықтардың экспортына 60 мың бас көлемінде жаңа шектеулер енгізуді жоспарлады.