Қазақстанда жұмыртқа өндіру 7,4% төмендеді

Қазақстанда 1 желтоқсандағы мәлімет бойынша, барлық шаруашылықтарда құс саны 4,7% -ға төмендеп (2019 жылдың осы кезеңімен салыстырғанда) 45,3 млн үй құсы болды. Тауық жұмыртқасының өндірісі 7,4%-ға азайып, 4699,5 млн данаға жетті. Бұл туралы Қазақстанның құс өсірушілер одағы хабарлады.

Аталған Одақтың мәліметтері бойынша, қазіргі күні жалпы құс санының 66,1% ауыл шаруашылық кәсіпорындарында, 32,6% - үй шаруашылықтарында және 1,3% - шаруа немесе фермер қожалықтарында және жеке кәсіпкерлерде өсірілуде.

2020 жылдың қаңтар-қараша айларында тірідей құс еті 264 231,4 тонна болды, ал 211 791,1 тонна құс сойылып сатылды.

Тақырыпқа байланысты оқу: Жұмыртқа құс фабрикасынан дүкен сөресіне жеткенге дейін 25% қымбттайды

Бұған дейін Қазақстанда жұмыртқа өндірісінің құлдырауы құс тұмауына байланысты тауықтардың жаппай өлімі деп хабарланған еді. Осылайша өндірістің азаюы және маусымдық бағаның өсуі нәтижесінде жұмыртқа бағасы 6,3%  қымбаттады.