Қазақстанда мал өсіруші сөздігі шығарылды

Мал шаруашылығы бойынша қазақ–орыс тілінде электронды сөздік шығарылды. Оны Қазақтын ақбас тұқымының Республикалық палатасы мамандары дайындады. Аталған сөздікті Facebook парақшасынан жүктеп алуға болады.

Бұл сөздік 1978 жылдан 1992 жылға дейін Г. Мұсабаев, Қ. Қонысбай, М. Қасымбековтың редакциялауымен Қазақстанда шығарылған төрт кітаптың негізінде құрастырылды. Қорытынды «Қағаз» нұсқасының авторлары Қ. Ыдырысов және Б. Құрманов.

Аталған сөздіктің басынан соңына  дейін «А» -дан «Я»-ға дейінгі барлық бөлімде осы саланың ветеринария, азықтандыру, мал күтімі, асылдандыру жұмысына  байланысты термин сөздер жинақталған. Сөздік 44 беттен тұрады.

Қазақтың ақбас тұқымды ірі қара малы 1930-1950 жылдары қазақ, қалмақ сиырларын  герефорд бұқаларымен будандастыру жолымен шығарған еді. Бұл сиырлар жергілікті жердің далалы  және жартылай шөлейтті аймақтарындағы жайылымдыққа жақсы бейімделген.