«Асыл Түлік» орталығы Microread Technology компаниясымен ынтымақтастық туралы келісім жасасты

«Асыл-Тулік» асыл тұқымды мал шаруашылығы жөніндегі республикалық орталық және Microread Technology (Kazakhstan) компаниясы мал шаруашылығы саласында бірлескен ғылыми зерттеулер жүргізу және зертханада жұмыс істейтін мамандар даярлау бойынша ынтымақтастық туралы келісімге қол қойды. Бұл туралы «Асыл-Түлік» орталағаның баспасөз қызметінен хабарлады.

Microread Technology (Kazakhstan) - Назарбаев Университетінің алаңында жұмыс істейтін медициналық-биологиялық компания. Ол жұқпалы аурулар мен сот-медициналық талдаулардың бағыттары бойынша сараптама жүргізеді.

«Қол қойылған келісім бойынша екі тарап зертханалық мамандар даярлау, жануарлардың ДНК-сін бағалау және генотиптеу, жануарлардың асыл тұқымдық құндылығының шынайы болуын анықтау, мал шаруашылығы саласында бірлескен ғылыми-қолданбалы зерттеулер жүргізу саласында ынтымақтастықта жұмыс істеуге дайын», - деп түсіндірді баспасөз қызметінен.

Тақырыпқа байланысты оқу: Қытай мен Қазақстан трансшегаралық аймақтағы жануарлардың ауруларын зерттейтін болады

Компанияның мәліметінше, қазіргі таңда тестілік режимде 1 және 2-санаттағы бұқаларды геномдық бағалауға зерттеу жүргізілуде. Бірлескен жұмыс аграрлық саладағы тұтынушыларға асыл тұқымды мал шаруашылығында қызмет көрсету, асыл тұқымды малға сапалы және сенімді геномдық бағалау жүргізу, зертханалық мамандардың біліктілігін арттыру және т.б. болып табылады.

«Асыл Түлік» кәсіпорны - 2002 жылдан бастап ірі және ұсақ қара малдың жоғары өнімді өндірушілерінің асыл тұқымды материалын (ұрығын) алудың, криоконсервациялаудың, сақтаудың және пайдаланудың озық және заманауи технологиялары енгізілген посткеңестік аймақтың Азия өңіріндегі ірі племпкәсіпорны болып табылады. Аталған Орталықтың міндеті жануарлардың табиғи өсімін молайту кезіндегі қауіпті аурулардан табынды сақтаүшін репродукциялаудың, алдын алудың және сауықтырудың тиімді әдістерін қолдану мақсатында жасанды ұрықтандыру технологиясын кең ауқымда қолдану болып табылады.