Қарағанды облысында ІҚМ ауруының ошағында Эмкар анықталды

Фото көзі: ElDala.kz

Қарағанды облысы Шет ауданы Ақшоқы ауылдық округінде инфекциядан 2-3 айлық 96 ірі қара мал мен бұзау өлді. Барлығы 260 бас ірі қара мал жұқтырған. Округте карантин жарияланды. Бұл туралы ElDala.kz АШМ Ветеринарлық бақылау және қадағалау комитетіне сілтеме жасай отырып хабарлайды.

"Ветеринарлық мамандар патологиялық материалдарды іріктеп алып, Нұр-Сұлтан қаласындағы ветеринария жөніндегі ұлттық референттік орталыққа жеткізді. Бүгінгі күні сынақ хаттамасының қорытындысы бойынша эмфизематозды карбункул (эмкар) қоздырғышы бөлінді", - деп хабарлады ведомстводан.

Тақырып бойынша оқу: Қарағанды облысында малдың қырылуы орын алды

Комитеттің мәліметінше, өлген малдың өлекселері өртеу арқылы жойылған. Тарату жұмыстары мүдделі мемлекеттік органдардың, аудандық ветеринариялық станция мамандарының, ауылдық округке тиесілі мал қорымындағы ветеринариялық дәрігерлердің қатысуымен жүргізіледі.

Сонымен қатар ауру малды симптоматикалық емдеу жүргізілуде.

Сондай-ақ, ведомствода Ақшоқыда 2,5 мыңнан астам ІҚМ бар екенін хабарлады. Инфекцияның одан әрі таралуына жол бермеу үшін ауылдық округтің кіреберісінде Комаров дезинфекциялық қондырғысы бар бекет орнатылды. Сондай-ақ, Шет аудандық аумақтық инспекциясы карантин белгілеу үшін ұсыныс жіберді.

Карантин шарттары бойынша рұқсат етілмейді:

1. ірі қара мал мен қойларды аумақтан тыс жерлерге әкету;
2. карантин аймағына ірі қара мал мен қойларды әкелу және оларды осы аумақ арқылы айдау;
3. ірі қара мал мен қойларды сату, айырбастау және шаруашылықішілік қайта топтастыру;
4. карантин белгіленген аумақта жиналған шөп пен басқа да жемшөпті шығару. Мұндай жемшөптерді жылқыларды және иммундалған қара малды азықтандыру үшін оларды вакцинамен егуден кейін күнтізбелік 14 күннен ерте емес пайдаланады;
5. ауру жануарлардың сүтін тағамға пайдалану;
6. ауру жануарларды етке сою;
7. өлген жануарлардың өлекселерін ашу және терісін алу;
8. қолайсыз шаруашылық жүргізуші субъектінің аумағына осы субъектіге қызмет көрсетумен байланысты емес бөгде адамдардың және көліктің кіруі;
9. вакцинацияланған жануарлардан алынған және асқынуы бар сүтті қолдану.

Карантин жануардың эмфизематозды карбункулдан  сауыққан немесе өлген соңғы жағдайынан бастап күнтізбелік 14 күннен кейін және қорытынды дезинфекция жүргізілгеннен кейін алынады.