Қазақстанда фермерлерге кредит беру шарттары жеңілдетілді

 23 маусым, сейсенбі күні өткен үкімет отырысында бизнесті қолдау бойынша қосымша көмек көрсету туралы іс-шаралар жоспары бекітілді. Бұған дейін өңірлерде осы мәселеге байланысты бизнес-ұсыныстар мен тілектер айтылған болатын. Бұл туралы «Атамекен» Ұлттық кәсіпкерлер палатасының баспасөз қызметінен хабарлады.

Баспасөз қызметінің ақпаратына сәйкес, премьер-министрдің бастамасымен экономиканың ең көп зиян шеккен салаларындағы жағдайды анықтау үшін кәсіпкерлік жобаларды және бизнестің жағдайын бақылау жөніндегі жедел штаб құрылды. Өткен айда үш отырыс өткізілді, нәтижесінде бизнесті қолдау бойынша бірқатар нақты шаралар қабылданды:

• «Аграрлық несие корпорациясы» АҚ-тың кепілдік саясаты жеңілдетілді;
• «Қарапайым заттар экономикасы» бағдарламасына егін жинауға байланысты жұмыстар, сондай-ақ ауыл шаруашылығына қажетті барлық жұмыстарды қаржыландыруды енгізу туралы шешім қабылданды;
• ӨДҚ АҚ кепілдемелерін қарастыру және беру мерзімдерін қысқарту туралы шешім қабылданды;
• «Даму» қорының ауылшаруашылық өнімдері жобаларына кепілдік беру мәселесі қарастырылды.

«Атамекен» ҰКП хабарлағандай, 23 маусымдағы үкімет отырысында бизнесті қолдау бойынша қосымша шаралар қабылдау жөніндегі іс-шаралар жоспары бекітілгенін атап өтті.

Дәл сол күні Қазақстан Республикасы Премьер-Министрінің орынбасары Роман Скляр, ең көп зардап шеккен салалардағы бизнестің жағдайын бақылау үшін жедел штаб құрылатындығын мәлімдеді. Жедел деректер апта сайын бірнеше орындардан: әкімдіктерден, аймақтағы кәсіпкерлер палаталарынан және тікелей бизнестен келіп тұрады. Осылайша, аграрлық бизнес өзінің жағдайы мен проблемалық мәселелері туралы хабарлау үшін  тікелей байланыса алады.