ҚазҰАЗУ құрамына алты ірі институт және екі тәжірибелі шаруашылық берілді

Қазақ ұлттық аграрлық зерттеу университетінің құрамына алты ірі ғылыми-зерттеу институты мен екі тәжірибелі шаруашылық берілді. Бұл туралы ElDala.kz университеттің баспасөз қызметіне сілтеме жасай отырып хабарлайды.

Атап айтқанда, тәжірибелік шаруашылықпен Қазақ егіншілік және өсімдік шаруашылығы ҒЗИ, Мал шаруашылығы және жемшөп өндіру ҚазҒЗИ, У.У. Успанов атындағы Топырақтану және агрохимия ҚазҒЗИ, Жеміс-көкөніс шаруашылығы ҚазҒЗИ, Қайта өңдеу және тамақ өнеркәсібі ҚазҒЗИ, АӨК экономикасы және ауылдық аумақтарды дамыту ҚазҒЗИ, "Меркі" тәжірибелік шаруашылығы берілді.

Баспасөз қызметінің хабарлауынша, жетекші шетелдік жоғары оқу орындарының тәжірибесі бойынша ҚазҰАЗУ функционалдық интеграцияланған жүйе болып табылатын қазіргі заманғы зерттеу университетінің жаңа деңгейіне көтерілді: ғылым-білім-өндіріс (яғни, зертхана - аудитория - тәжірибелік шаруашылық).

Ғылыми-зерттеу институты мен университет ғалымдарының бірлескен ғылыми әзірлемелерінің нәтижелері өндіріске енгізіліп қана қоймай, жаңа білім беру бағдарламаларына айналатын болады, бұл ғылыми кадрларды даярлау сапасын арттыруға мүмкіндік береді.

"ҒЗИ мен ТӨШ бұдан былай өз ұжымдарын дамытуға осы қомақты қаражатты қалдырып, ҰАҒБО - ны ұстауға дивидендтер төлемейді", - деп толықтырды ҚазҰАЗУ-де.

Естеріңізге сала кетейік, ҚР Президенті Қасым-Жомарт Тоқаев қолданыстағы аграрлық жоғары оқу орындарының базасында халықаралық деңгейдегі зерттеу университеттерін құру, сондай-ақ тәжірибелік шаруашылықтар базасында бастапқы тұқым шаруашылығын дамыту мәселесін пысықтауды тапсырған болатын. Атап айтқанда, ҚазҰАЗУ құрамына ҰАҒБО - ның 7 еншілес ұйымын ауыстыру, ҚАТЗУ-ға 15 компанияны және тағы 2 компанияны БҚАТУ беру ұсынылды.