Биылғы жылы «Қазақстанның ҮЗДІК-100 агрохолдингі» рейтингін кім басқарды?

Фото көзі: Eldala.kz

Eldala.kz порталы биыл «Қазақстанның ҮЗДІК-100 агрохолдингі»  рейтингінің деректерін жаңартты.

Қазақстанның ірі жер пайдаланушыларының көшбасшыларының үштігіне Olzha Agro (960 мың га), Atameken Agro (441 мың га) және TNK Агрофирмасы (430 мың га) кірді. Рейтинг компаниялардың жер банкінің мөлшері туралы ашық деректер негізінде жасалды.

Olzha Agro агрохолдингі Қостанай облысында жұмыс істейді. Егістік 660 мың га, жайылым 300 мың га құрайды.

2023 жылы Olzha Agro егіс алаңы 324 мың гектардан асты. Холдинг шаруашылығының егіс алқаптары бойынша ең ірілері – «Арзамас» - 19,2 мың га және «Банновка» - 19,0 мың га.

Холдингтің егіс алқаптарының құрылымында жұмсақ бидай 136 мың га, қатты бидай – 31 мың га, күнбағыс 32,8 мың га, зығыр – 53,4 мың га, арпа – 17,7 мың га егіледі.

Ет және сүт шаруашылығы да дамып келеді.

Atameken Agro Ақмола және Солтүстік Қазақстан облыстарында жұмыс істейді, егістікке 321 мың га пайдаланылады. «Атамекен Агро» АҚ компаниялар тобындағы ең ірі шаруа қожалығы «Атамекен Агро» ЖШС-нің 2023 жылғы егіс алқабы 58,6 мың гектарды құрайды.

Холдингтің егістіктерінде дәнді дақылдар (жұмсақ бидай, қатты бидай, арпа), майлы дақылдар (рапс, зығыр, қыша), дәнді-бұршақты дақылдары (бұршақ, жасымық, ноқат) және қарақұмық өсіріледі.

Atameken Agro сонымен қатар мал және құс шаруашылығымен айналысады.

TNK агрофирмасы Ақмола, Шығыс Қазақстан және Қызылорда облыстарындағы жерлерді өңдейді. Ауыл шаруашылығы құрылымына 15 компания кіреді, «Жақсы» брендімен өнім шығарады. Агрофирма ауыл шаруашылығы дақылдарын өндірумен қатар тұқым шаруашылығымен айналысады, ұн, жарма және құрама жем өндіреді. Қызметтің тағы бір бағыты – мал шаруашылығы.

Жылдар бойынша толық рейтингті Қазақстанның ҮЗДІК-100 агрохолдингі материалынан қараңыз, ол үнемі жаңа мәліметтермен толықтырылатын болады.