Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Әбілқайыр Тамабек ауыл шаруашылығы вице-министрі қызметінен босатылды
08 февраля 2024
Қазақстан Республикасы Үкіметінің қаулысымен Әбілқайыр Тамабек басқа жұмысқа ауысуына байланысты ауыл шаруашылығы вице-министрі қызметінен босатылды. Бұл туралы Үкіметтің баспасөз қызметіне сілтеме жасай отырып, ElDala.kz хабарлайды.
Естеріңізге сала кетейік, Әбілқайыр Тамабек 2022 жылдың сәуір айынан бастап ҚР ауыл шаруашылығы вице-министрі қызметін атқарған.
Бұған дейін, 2022 жылдың ақпан айынан бастап Әбілқайыр Тамабек Ауыл шаруашылығы министрлігі Жер ресурстарын басқару комитетінің Жамбыл облысы бойынша жер ресурстарын басқару департаментінің басшысы болған.
Тамабек Жамбыл облысында дүниеге келген. Халықаралық бизнес университетін, Луис ұлттық университетін және ҚР Президенті жанындағы Мемлекеттік басқару академиясын бітірген. Президенттік жастар кадр резервінің мүшесі болып табылады.
Еңбек жолын 2011 жылы жеке компанияда инспектор болып бастаған. 2015-2020 жылдары Қазақстан Республикасының Ұлттық экономика министрлігінде және Қорғаныс және аэроғарыш өнеркәсібі министрлігінде әртүрлі лауазымдарда жұмыс істеді.
2020-2022 жылдары Жамбыл облысы әкімдігінің жерді пайдалану мен қорғауды бақылау басқармасының басқарма басшысы – бас мемлекеттік инспекторы болды.
