Бәйтерек Masraf Al Rayan мен бірлесіп исламдық қаржыландыруды дамытуды жоспарлап отыр

«Бәйтерек» холдингінде катарлық Masraf Al Rayan банкінің делегациясымен кездесу өтті.

Тараптар исламдық қаржыландыру саласындағы тәжірибе алмасуды, инвестициялық жобаларды және Холдингтің еншілес компанияларының қызметінде исламдық қаржыландыру құралдарын қолдануды талқылады, деп хабарлады Бәйтеректің баспасөз қызметі.

ҚР Президентінің Катарға сапары аясында 14 ақпанда Masraf Al Rayan-мен өзара түсіністік туралы Меморандумға Қазақстанның Даму Банкі де қол қойды.

Masraf Al Rayan – штаб-пәтері Катарда орналасқан, банктік, қаржылық, инвестициялық және брокерлік қызметтердің кең спектрін ұсынатын ислам банкі. Банктің Катарда 17 филиалы және Ұлыбританияда, Францияда және БАӘ-де 5 халықаралық филиалы бар.

Естеріңізге сала кетейік, қазақстандық делегацияның Катарға сапары кезінде ауыл шаруашылығы секторындағы серіктестік туралы жалпы сомасы 500 млн доллар келісімге қол қойылды.