Қазақстан мен Германия агроөнеркәсіптік кешенге инвестиция салудың перспективалық бағыттарын қарастырды

Қазақстан Республикасы Ауыл шаруашылығы бірінші вице-министрі Айдарбек Сапаров пен Германия Федеративтік Республикасы Федералды азық-түлік және ауыл шаруашылық министрлігінің парламенттік хатшысы Уве Фейлер бизнес қауымдастығы мен ғылыми қоғамдастық өкілдерінің қатысуымен өткен онлайн-келіссөздер барысында агроөнеркәсіп кешеніндегі проблемаларды талқылады және келесі жылға арналған ынтымақтастықтың барысын атап өтті. Бұл туралы ҚР Ауыл шаруашылығы министрлігінің баспасөз қызметі хабарлады.

Кездесу барысында тараптар Германия-Қазақстан аграрлық-саяси диалогының (ГҚАСД) екіжақты ынтымақтастық жобасын жүзеге асыруды талқылады. Келесі жылға арналған жоспарларға сәйкес жұмыс екі бағытта - органикалық ауыл шаруашылығын дамыту және агроөнеркәсіптік кешенді қаржыландыру бойынша жүргізілетін болады.

«Органикалық ауыл шаруашылығы саласында жұмыс істей бастадық. Біріншіден, біз нарықтағы жағдайды сараптап, Еуропаға органикалық өнімдерді экспорттау мүмкіндіктерін зерттегіміз келеді. Бұл қазақстандық ауыл шаруашылық тауар өндірушілерге жаңа экспорттық нарыққа шығуына кепілдік беруі керек», - деді ГҚАСД жобалық тобының жетекшісі Александр Барневитц.

«Агроөнеркәсіптік кешенді қаржыландыру» бағыты бойынша жұмыс істейтін топ «ҚазАгро» қоржынынан инвестиция алуды жоспарлап отыр.

«Біз Германиядан серіктестер тауып, жаңа нарыққа шыға аламыз», - деді Барневитц.

Сонымен қатар, әңгіме барысында COVID-19 пандемиясының кезінде көптеген елдердің өз шекараларын жауып тастағаны, көліктердің қозғалысына шектеу қойғаны, бұл азық-түліктің уақтылы жеткізілуіне кедергі болғандығы айтылды. Шаруашылықтардың көпшілігінде жұмысшылар тапшылығы әлі де байқалуда - осы және басқа да проблемалар азық-түлік қауіпсіздігіне әсер етуде.

«Біз қазіргі жағдайдан тиісті қорытынды шығарып, пандемия жалғасқан кездегі қауіп-қатерге дайын болуымыз керек. Германия Еуропалық Одаққа төрағалық ете бастағаннан бері бұл саланы стратегиялық бағыт деп белгіледі», - деді Уве Фейлер.

Ол еңбеккерлерді қолдауға шақырды. Бұл бағыттағы ілгерілеу көпжылдық қаржыландыру бағдарламасы бойынша одан әрі келіссөздерге, бірлескен агроөнеркәсіптік саясатпен тығыз байланысты, сонымен қатар фермерлік шаруашылық стратегиясын ұсынады.

«Сонымен қатар, біз малдың сапасына және азық-түлікті таңбалауға арналған бірдей таңбалауды енгізуіміз керек. ЕАЭО-да азық-түлік қауіпсіздігін құру қажет», - деді ол.

Бұл бағыттар Германия мен Қазақстан арасындағы екіжақты ынтымақтастық бағдарламасы аясындағы жұмыстарда жүзеге асырылатын болады. Неміс кәсіпкерлері шетелдік серіктестермен өздерінің аграрлық-азық-түлік секторын дамытуға қолдау көрсету мақсатында тәжірибе алмасуға дайын екендігін білдірді.

Өз кезегінде Айдарбек Сапаров қазіргі экономикалық жағдайда қазақ арарлық өндірісінің даму бағыттары ауыл шаруашылық өнімдерін қайта өңдеуді кеңейтуге, азық-түлік өндірісін ұлғайту және импортты алмастыруға баса назар аудару арқылы елдің азық-түлік қауіпсіздігін қамтамасыз етуге болатындығын хабарлады.

Ауыл шаруашылығындағы еңбек өнімділігін арттыру үшін негізінен көңіл саланы техникалық және технологиялық қайта жарақтандыруға аударылады. Өсімдік шаруашылығында, ең алдымен жоғары сапалы тұқымдар, тыңайтқыштар мен заманауи технологияларды қолдану қажет. Мал шаруашылығында асыл тұқымды ІҚМ үлесін арттыру керек.

«Бүгінгі таңда департамент алдында өндірісті барынша дамыту міндеті тұр, ол үшін басым бағыттардағы инвестициялық жобаларды іске асыру арқылы импортқа тәуелділікті азайту керек», - деді А.Сапаров.

Ол Ауыл шаруашылығы министрлігінде импортты алмастырумен және экспортты дамытуға тікелей байланысты салаларға инвестиция салудың неғұрлым перспективалы бағыттары: ет, сиыр, қой және шошқа еті, сонымен қатар сүт өндіру, жеміс-жидек пен көкөністерді өндіру және қайта өңдеу өндірісі туралы айттты. Жылыжайдағы  көкөністер, майлы дақылдар мен дәнді дақылдарды қайта өңдеу, сонымен қатар жыл сайын елде және әлемде танымал бола бастаған органикалық өнімдер өндірісін дамыту қажеттігін ескертті.