ҚР-да 4,4 трлн теңгеге агрожобалар пулы құрылды

ҚР Ауыл шаруашылығы министрлігі жергілікті атқарушы органдармен бірлесіп, 2021-2025 жылдарға арналған АӨК инвестициялық жобаларын іске асыру жөніндегі жол карталарын әзірлеп, бекітті. Жол карталарына сәйкес жалпы сомасы 4,4 трлн теңгеге 934 инвестициялық жобадан пул жасалды. Оның ішінде 263 млрд теңгеге 285 жоба ағымдағы жылы іске асырылуда, келесі жылы 578 млрд теңгеге 309 жоба жоспарланған. Бұл туралы Үкімет отырысында Ауыл шаруашылығы министрі Ербол Қарашөкеев мәлімдеді.

"Осы пулдан келесі негізгі ірі бағыттар анықталды: ет (301 жоба, құны 1 трлн теңге), жылыжай кешендері (67 жоба, құны 1 трлн теңге), сүтті мал шаруашылығы (186 жоба 452 млрд теңге), құс шаруашылығы (47 құс фабрикасы сомасына 373 млрд . теңге), өсімдік шаруашылығы өнімдерін қайта өңдеу (73 жоба 300 млрд теңге) салаларында. Бес жыл ішінде қантпен қамтамасыз ету 80% - ға дейін жеткізіледі, жобалардың жалпы сомасы 228 млрд теңге. Қарқынды бау-бақша шаруашылығы (100 млрд теңге сомасына 32 жоба). Өзге бағыттар аясында суару, тұқым шаруашылығы, азық - түлік өнімдерін өндіру және т. б. жобалар кіретін жалпы сомасы 834 млрд.теңгеге 225 жобаны іске асыру жоспарлануда", - деп хабарлады Ербол Қарашөкеев.

Оның айтуынша, 2021 жылға жоспарланған 263 млрд теңгенің 285 жобасының ағымдағы жылдың 11 айының қорытындысы бойынша 241 млрд теңгенің 268 жобасы пайдалануға берілді. Әкімдіктердің ақпараты бойынша ағымдағы жылдың соңына дейін 22 млрд теңге сомасына 17 жобаны іске асыру жоспарланып отыр. Іске асырылған жобалар бойынша көшбасшылар Солтүстік Қазақстан, Қостанай, Шығыс Қазақстан, Ақмола, Қарағанды облыстары болып табылады.

"11 айдың қорытындысы бойынша27 жоба өсімдік шаруашылығы өнімдерін қайта өңдеу бойынша сомасы 34,3 млрд теңге, 6 ет комбинаттары сомасы 7,5 млрд теңге, 14 жоба бақша отырғызу бойынша жалпы сомасы 203 млрд теңге, 6 жоба азық-түлік өнімдерін өндіру бойынша сомасы 2,3 млрд.теңге, 4 жоба тұқым шаруашылығы бойынша сомасы 1,7 млрд. теңге пайдалануға берілді. Сондай-ақ, 12,9 млрд теңге сомасына 28 репродуктор бар", - деп нақтылады АШМ басшысы.

Ербол Қарашөкеев 2021 жылдың 11 айының қорытындысы бойынша АӨК негізгі капиталына салынған инвестициялардың жалпы көлемі 659,7 млрд теңгені құрап, өткен жылдың сәйкес кезеңімен салыстырғанда 40,5% - ға артқанын хабарлады. Негізгі капиталға азық-түлік өндірісіне инвестиция көлемі 91,2 млрд теңгені құрады, бұл өткен жылдың көрсеткішінен 2,6%-ға жоғары.

Сонымен қатар, оның айтуынша, министрлік қайта өңделген өнім экспортына баса назар аудара отырып, ауыл шаруашылығы өнімдерінің экспорттық әлеуетін дамыту бойынша жоспарлы жұмыс жүргізуде. 2021 жылдың 9 айында АӨК өнімдері экспортының көлемі $2,6 млрд құрады және 2020жылдың ұқсас кезеңімен салыстырғанда 14,3% - ға өсті. АӨК өңделген өнімінің экспорт көлемі $950,5 млн құрады, бұл 2020 жылдың сәйкес кезеңінен 2,4% - ға артық.

АӨК өнімдері экспортының құрылымында өңделген өнім экспортының үлесі 37% - ды құрады.

"АШМ азық-түлік тауарларының 29 негізгі түрі бойынша ішкі нарықтың қамтамасыз етілуіне мониторинг жүргізуде. Азық-түлік тауарларының негізгі түрлері бойынша ішкі нарықтың отандық өндіріс есебінен қамтамасыз етілуі шамамен 85% - ды құрайды. Құс еті, шұжық өнімдері, ірімшік, сүзбе, алма, қант және балық сияқты тауарлар импортқа тәуелді. 2021 жылы өткен жылдың сәйкес кезеңімен салыстырғанда ірімшік пен сүзбе өндірісі 18,6%-ға, шұжық өнімдері - 9,5%-ға, алма - 7%-ға, қант-28,9%-ға, балық -10,1%-ға артты", - деді министр.