Agritechnica көрмесі 2023 жылға ауыстырылды

Ганноверде өтетін әлемдегі жетекші Agritechnica көрмесі биыл коронавирустық пандемияға байланысты болмайды. Келесі көрмені 2023 жылғы 12-18 қараша аралығында өткізу жоспарланып отыр. Бұл туралы шараны ұйымдастырушылар - Неміс ауылшаруашылық қоғамы (DLG) хабарлады.

Әлемде COVID-19 ауруының өсуі жағдайында DLG ауылшаруашылық техникаларының көрмесін қауіпсіз өткізу үшін қажетті жағдайлар енді орындалмайды деген қорытындыға келді.

"Келушілердің, экспоненттердің, серіктестердің, мүшелер мен қызметкерлердің денсаулығы мен қауіпсіздігі басты басымдық болып табылады. Келесі Аgritechnica көрмесі 2023 жылғы 12-18 қараша аралығында Германияның Ганновер қаласында өтеді", - деп хабарлады ұйымдастырушылар.

2022 жылдың көктемінде Agritechnica кәсіби алмасу мақсатында Агробизнес үшін халықаралық алаңға айналуы керек деп жоспарланған болатын. Техникалық бағдарлама, көрменің өзі сияқты, кеңінен жарияланды және келушілердің үлкен қызығушылығын тудырды.

"Соңғы апталарда пандемиямен жағдайдың нашарлауы және нәтижесінде қабылданған ресми ережелер тұрғысынан Agritechnica-ны өткізу мүмкін болмайтын жағдай туындағанын өкінішпен атап өттік. Сондықтан, VDMA ауылшаруашылық техникалары қауымдастығымен және көрмеге қатысушылардың консультативтік кеңесімен, сондай-ақ экспоненттермен және келушілермен көптеген талқылаулардан кейін біз келесі жылы Agritechnica-дан бас тартуға шешім қабылдадық. Біз бұл шешімді адамдардың денсаулығы мен қауіпсіздігі үшін жауапкершілігімізге сүйене отырып қабылдадық. Біз кейінге қалдырғагымызға қатты өкінеміз.  Көптеген экспоненттер, серіктестер, келушілер мен мүшелер, сондай-ақ бүкіл DLG тобы ауқымды дайындыққа қаражат салды. Қазір біз Agritechnica 2023, сондай-ақ келесі жылға жоспарланған басқа да ұлттық және халықаралық DLG іс-шаралары мен сауда жәрмеңкелерін дайындауға назар аударамыз", - деді DLG бас директоры Райнхард Грандке.

"Біз барлығымыз Agritechnica 2022 өтпейтініне қатты өкінеміз. Бір жағынан, сала "жетекші сауда жәрмеңкесін" асыға күтті, ал екінші жағынан, фермерлер бұрын сирек кездесетін ауылшаруашылық техникасындағы инновацияларға көптеген импульстардан пайда көреді. Ақыр соңында, инновациялық машиналар, жабдықтар мен бағдарламалық құралдар ауылшаруашылық техникаларын өндірудің тұрақты және перспективалы процестеріне айтарлықтай үлес қосады. Біздің кең инновациялық портфолиомызды кең салалық аудиторияға ұсыну мүмкіндігі алтын стандарт болған және солай болып қала береді. Сондықтан біз ауылшаруашылық техникалары бойынша сарапшылар ретінде әлемдегі жетекші сауда көрмемізді қолдаймыз және 2023 жылы Ганноверде Agritechnica-ның сәтті қайта іске қосылуын күтеміз", - деп түсіндірді VDMA ауылшаруашылық техникалары қауымдастығының басқарушы директоры Бернд Шерер.

Сонымен бірге, осы жылдың қараша айында іске қосылған Agritechnica-2022 сандық кеңістігі 2022 жылдың наурыз айының соңына дейін DLG-Connect сандық платформасында қолжетімді болады. Келушілер ағымдағы ұсыныстар туралы тегін білуге және ауылшаруашылық техникаларын өндірушілерден ақпарат алуға, сондай-ақ цифрлық іс-шараларға қатысуға және компаниялармен және фермерлермен сөйлесуге мүмкіндік алады.

Естеріңізге сала кетейік: Agritechnica 2022 ауылшаруашылық техникасының әлемдегі ең ірі көрмесі 27 ақпан мен 5 наурыз аралығында Ганновер көрме кешенінде жоспарланған болатын. Оған 50 елден 2000-ға жуық экспоненттер қатысады деп күтілген еді.