АШМ субсидия алушылар үшін қарсы міндеттемелер енгізеді

Өсімдік шаруашылығы өнімінің өнімділігі мен сапасын арттыруды субсидиялау қағидаларына субсидия алушылар үшін қарсы міндеттемелер енгізілетін өзгерістер енгізілді. Бұл туралы Ауыл шаруашылығы министрлігінде хабарлады.

АШМ атап өткендей, өзгерістер АӨК жалпы өнімінің көлемін ақшалай түрде ұлғайтуға бағытталған қарсы міндеттемелерді енгізу арқылы ауыл шаруашылығын субсидиялаудың тиімділігін айқындауды көздейді.

“Өз өнімдерінің өнімділігі мен сапасын арттыру үшін субсидия алатын ауылшаруашылық өнімдерін өндірушілер енді өндіріс көлемін ұлғайту және сақтау бойынша белгілі бір міндеттемелерді орындауы керек. Олардың тиімділігі өндірілген өнімнің ақшалай құны бойынша бағаланатын болады", - деп хабарлады ведомствода.

Міндеттемелердің орындалуы туралы ақпарат субсидиялаудың Мемлекеттік ақпараттық жүйесінде тіркелетіні атап өтіледі. Егер өндіруші өз міндеттемелерін екі жыл қатарынан орындай алмаса, онда ол субсидия алу құқығынан айырылады.

“Қарсы міндеттемелерді енгізу алдында пилоттық жоба іске асырылатын болады, оның шеңберінде агроөнеркәсіптік кешен субъектілері өсімдік шаруашылығы саласында субсидиялар алу үшін белгілі бір талаптарды орындауға міндеттенеді", - деп хабарлады Ауыл шаруашылығы министрлігінде.