Шілде айында Қазақстанда қандай ауа райы күтіледі

Фото көзі: ElDala.kz

Шілде айының бірінші онкүндігінде Қазақстанның басым бөлігінде тұрақсыз ауа райы сақталады, жаңбыр жауады деп күтілуде. Бұл туралы Қазгидрометтің бір айға арналған консультативтік болжамында айтылған.

Қазақстанның солтүстік-батысында, солтүстік және оңтүстік-шығысында таулы аудандарда қатты жаңбыр жауады, ол найзағаймен, бұршақ жауып, екпінді желмен жүреді. Еліміздің оңтүстігінде шаңды дауыл соғады.

Ыстықтың төмендеуі болжануда:

• елдің солтүстігінде, шығысында түнде плюс 10-15°С дейін, күндіз плюс 18-28°С дейін;
• республиканың орталығында түнде плюс 10-18°С дейін, күндіз плюс 22-28°С дейін;
• оңтүстік-шығыста түнде плюс 15-20°С дейін, күндіз плюс 22-30°С дейін.

Тек елдің батысы мен оңтүстігінде түнде температураның плюс 12-17°С-тан плюс 20-28°С-қа дейін, күндіз плюс 27-32°С-тан плюс 35-43°С-қа дейін көтерілуі күтіледі.

Бірінші онкүндіктің соңында, екінші онкүндіктің басында ыстық күндер Қазақстанның үлкен аумағына қайта оралады.

Шілденің екінші және үшінші онкүндігінде ыстық күндер қысқа уақыт ішінде найзағаймен, екпінді желмен, бұршақпен және шаңды дауылмен салқын және жаңбырлы күндерге ауысады.

Ауа температурасының ауытқуы болжанады:

• елдің батысында түнде плюс 15-22°С-тан плюс 19-25°С-қа дейін, күндіз плюс 28-33°С-тан плюс 33-38°С-қа дейін;
• солтүстікте, орталықта және шығыста түнде плюс 7-17°С-тан плюс 15-23°С-қа дейін, күндіз плюс 17-27°С-тан плюс 30-37°С-қа дейін;
• оңтүстікте және оңтүстік-батыста түнде плюс 14-23°С-тан плюс 20-28°С-қа дейін, күндіз плюс 30-36°С-тан плюс 35-43°С-қа дейін;

оңтүстік-шығыста түнде плюс 10-18°С-тан плюс 17-25°С-қа дейін, күндіз плюс 25-36°С-тан плюс 33-40°С-қа дейін.