«Сарыарқа» ӘКК тамақ өндірушілерді қаржыландырады

«Сарыарқа» әлеуметтік-кәсіпкерлік корпорациясы әлеуметтік маңызды санаттағы тамақ өндірушілеріне несие алуға өтінімдерді қабылдауды ашты. Бұл туралы ӘКК баспасөз қызметінен хабарлады.

«Бұл шешім әлеуметтік маңызды азық-түлік тауарларына бағаны тұрақтандыру мақсатында қабылданды», - деп хабарлады компания.

Аталған несие келесідей талаптарға сәйкес келетін кәсіпкерлерге беріледі:

• азық-түлік өнімдерін сақтауға арналған арнайы жабдықтары бар қоймалар мен  үй-жайлары бар сауда-логистикалық инфрақұрылымы болу керек немесе жалға алуы тиіс;

• өтінішті қаралып жатқан кезде кәсіпкерлер банкрот болмауы тиіс;

• өтінім қаралу кезінде кәсіпорын жауапсыз ұйымдардың тізімінде болмауы керек.

Кәсіпкерлерге несие беру туралы мәселені қарау үшін мыналарды ұсыну қажет: несие сомасы мен шығындар есебі көрсетілген өтініш, тамақ өнімдерінің ұсынылған тізімі, несиені өтеу шарттары. Сондай-ақ, кредиторлық және дебиторлық берешек, негізгі құралдардың тізбесі көрсетілген алдыңғы және / немесе ағымдағы қаржы жылындағы қаржылық есептілік қажет.

Өтінішке мекеме басшысының тағайындалуы (сайлауы) туралы заңды тұлға жарғысын нотариалды түрде куәландырылған көшірмесі қоса беріледі (заңды тұлғалар үшін); мемлекеттік тіркеу (қайта тіркеу) туралы куәлік; бірінші басшыны қоспағанда, өтінішке қол қою құқығы берілетін тұлғаға сенімхат; қолда бар несиелер мен несие тарихы туралы ақпарат; салық және бюджетке міндетті төлемдер, жалақы бойынша берешек және әлеуметтік сақтандыру жарналарының жоқтығы туралы мәліметтер.

Толық ақпаратты «Сарырака» ӘКК  АҚ –тан алуға болады. Қарағанды қ., Алиханов к-сі, 4, тел: 980-346.