Қазақстанның Сауда министрлігі ауыл шаруашылығы өнімдерін экспорттаудың жол картасын әзірледі

Сауда және интеграция министрлігі ауыл шаруашылығы өнімдерін экспорттау жөніндегі Жол картасының жобасын әзірледі. Жоба «Атамекен» ҰКП және салалық қауымдастықтармен келісілді, деп хабарлады Ауыл шаруашылығы министрлігінің баспасөз қызметі.

Үкіметте күзгі-дала жұмыстары мәселелері жөніндегі жедел штабтың екінші отырысы өтті, онда жаңа егіннің экспорты мәселелері де талқыланды.

Көлік министрлігі астықты экспортқа және ел ішінде тасымалдау бойынша жедел штаб құру туралы хабарлады. Мемлекеттік органдардан, әкімдіктерден және ҚТЖ-дан басқа, жедел штабқа қатысушылар қатарына Азық-түлік корпорациясы мен «Атамекен» ҰКП кіреді. Отырыста айтылғандай, жеткізу тарапынан мәселелер туындаған жоқ.

«Жедел штабта біз туындаған барлық операциялық сұрақтарды егжей-тегжейлі қарастырып, олар мәселеге айналмас үшін олардың шешімін табуымыз керек. Біздің бүгінгі міндетіміз - фермерлерді егін жинауға қажеттінің барлығымен қамтамасыз ету. Сонымен қатар, экспорт мәселелерін шешу керек», - деп атап өтті вице-премьер Серік Жұманғарин.

Сондай-ақ, отырыста астық егетін облыстардың фермерлері қосымша 67,7 мың тонна дизель отынын және кептіру агрегаттары үшін 21,5 мың тонна сұйытылған газды бөлуге 495 өтінім бергені атап өтілді. Серік Жұманғарин Энергетика министрлігіне астықты кептіру үшін өңірлерді басым тәртіппен қамтамасыз етуді тапсырды.

Өңірлерде барлығы 1 301 астық кептіру агрегаты бар, бұл ретте солтүстік өңірлерде тағы 76 агрегатқа қажеттілік бар. Ауыл шаруашылығы өнімдері үшін кептіргіштерді сатып алуға шығындардың 30%-на дейін өтеу бойынша инвестициялық субсидиялау көзделген.