Түркістан облысында 331 мың тонна мақта жинау жоспарланған

Түркістан облысында мақта жинау басталды. Биыл 125,8 мың гектар егіс алқабынан 331 мың тонна өнім жинау жоспарланып отыр. Бұл туралы Түркістан облысы әкімінің баспасөз қызметі хабарлады.

«25 мыңнан астам шаруа қожалықтары мақта өсірумен айналысады және озық технологияларды қолдану нәтижесінде шаруалар көп өнім жинауға қол жеткізеді. Қазіргі уақытта Жетісай, Мақтаарал аудандары мен Кентау қаласында егін жинау науқаны басталды. Орташа өнімділік гектарына 25 центнер деңгейінде болады деп күтілуде», - деп хабарлады әкімдік.

Атап айтар болсақ, Жамбыл ауылдық округіне қарасты «Арай» шаруа қожалығы 5,5 гектар алқапта «Мақтаарал 4017» сұрыпты мақта теруге алғашқылардың бірі болып кірісті. Олар әр гектардан 27 центнерден өнім алуды жоспарлап отыр. Ауыл тұрғындары мақта жинауға қатысады және әрбір килограмына 30 теңге төленеді. Бүгінгі күнге дейін аудан бойынша 15 бригада мен 403 терімші мақта жинау науқанына қатысуда. Олар 125 гектар мақта алқабынан 269,5 тонна «ақ алтын» жинауға ниетті.

Әкімдіктің хабарлауынша, комбайндар жөндеуден кейін жұмысқа толықтай дайын. Сонымен қатар, АҚШ-тан 23 John Deere мақта жинайтын комбайндар сатып алынды. Осындай техникалардың арқасында машинамен мақта жинау 66 % жетеді.

Еңбеккерлер өткен жылмен салыстырғанда биыл егін жинауда қиындықтар болмайтынын атап өтті. Жалпы, мақта жинауға 514 трактор, 1206 тіркеме және 151 комбайн қатысуда.

Былтырғы жылдан бері облыста 5 мақта зауыты мен 60-тан астам қабылдау пункттері шикізатты қабылдаумен және өңдеумен айналысады.

Облыстық ауыл шаруашылығы басқармасының хабарлауынша, мемлекет ауыл шаруашылық тауар өндірушілеріне, оның ішінде мақта өсіруді дамытуға айтарлықтай қолдау көрсетеді. Мысалы, күзгі жұмыстарға 39,2 мың тонна жанар-жағармай бөлініп, бір литр жанармай ауыл шаруашылық серіктестіктеріне 161-163 теңге бағамен сатылуда. Қолда бар мақта жинайтын 457 комбайнның 92% -ы орақ науқанына дайын.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.