Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Абылай Мырзахметов Ауыл шаруашылығы министрлігі мен оның бағдарламалары жайлы айтты
30 октября 2020
Ауыл шаруашылығы министрлігінің басшылығы мен командалардың ауысуы саланың жай-күйі туралы объективті деректердің болмауына әкеліп тіреді және субсидияларды анықтауға мүмкіндік бермеді, осындай жағдайға байланысты Агроөнеркәсіптік кешенді дамыту бағдарламалары жиі өзгеріске ұшырады. Келесі бесжылдыққа арналған бағдарламаны әзірлеу кезінде қазақстандық фермерлер де, шетелдік инвесторлар да басшылыққа алатын нақты нұсқауларды анықтау қажет. Бұл туралы бүгін ОКҚ брифингінде «Атамекен» ұлттық кәсіпкерлер палатасы басқарма төрағасы Абылай Мырзахметов айтты.
«Алдыңғы бағдарламаларға қатысты біртадай мәселе болды. Бұл құжаттар жиі ауыстырылатын. Іс жүзінде субсидиялау ережелері жыл сайын бірнеше рет өзгертілді. Себебі субъективті сәттер болды, министрліктің басшылығына әртүрлі командалар келді және соған қарай бағдарлама үнемі өзгеріп отырды, бұлай болмауы тиіс еді» -деп ойын айтты «Атамекен» басқармасының төрағасы.
Тақырыпқа байланысты оқу: Ауыл шаруашылық министрлігі АӨК-ті дамытуға арналған жаңа бағдарлама әзірлеуде
Бірақ бағдарламалардың тұрақсыздығының басты себебі, оның айтуынша, ауыл шаруашылығының түрлі салаларына нақты талдаудың болмауында. Ресми статистика тек егіс алқабын, себу сапасын, ауыл шаруашылығында жұмыс істейтіндердің санын, технологияның жай-күйін және т.б. көрсетеді.
«Мұның бәрі статистикада, бірақ барлық статистика шамамен алынған. Өкінішке орай, мұнда жай жазылған заттар өте көп. Біз бұдан арылуымыз керек. Сондықтан, өзгеріссіз бес жылдық бағдарламаны қабылдау үшін біз «диагнозды» нақты білуіміз керек: қаншау, қай жерде және қандай екенін нақты білуге тиіспіз», - деді Абылай Мырзахметов.
Ол сондай-ақ ауылдық жердің жай-күйіне жан-жақты талдау жүргізу қажет екенін, ескертті, себебі халықтың 41% -ы ауылда тұратындығын баса айтты.
Тақырыпқа байланысты оқу: Агробизнес АӨК-ті дамыту бағдарламасына ұсыныс беруде
«Өкінішке орай, соңғы уақыттағы саясат бойынша бір саладан екінші салаға лоббизм жасау үшін субсидия ауыстырылып берілуде: еттен алып сүт өнімдеріне, сүт өнімдерінен, мысалы, астыққа және т.б. Бұл тәжірибені тоқтату керек. Мемлекет басшысының тапсырмасы бойынша жұмыс тобы құрылды, егер нақты талдау жасасақ, ішкі және сыртқы инвесторлар үшін бағыт-бағдар беретін бес жылға арналған тұрақты бағдарлама әзірлеу мүмкін болатынына сенімдімін», - деп қорытындылады сөзін спикер.
