Қазақстанда қазан айында жұмыртқа бағасы 10,3%-ға қымбаттады

Қазақстанда азық-түлік тауарларының бағасы қазан айында өткен аймен салыстырғанда 0,8% -ға көтерілді, бір жыл ішінде 10,7% -ға өсті (2019 жылдың қазан айымен салыстырғанда). Бұл туралы Статистика комитетінің баспасөз қызметі хабарлады.

Биылғы жылдың қазан айында қыркүйекпен салыстырғанда жұмыртқа 10,3%, қант құмшекері - 7,3%, күнбағыс майы - 6,3%, жаңа піскен көкөністер - 2,8%, картоп - 2,1%, сүт - 1,4%, шай - 1%, қозы - 0,9%, ұн, май - 0,8%, макарон өнімдері, жылқы еті - 0,7%, нан - 0,6%-ға қымбаттады.

Сонымен қатар, бағасы арзандаған өнімдерге: жаңа піскен жемістер- 3,9%, тауық еті - 1,1% -ға төмендеді.

Статистикалық мәліметтер бойынша, жарма өнімдерінің ішінде қарақұмықтың орташа бағасы 2020 жылдың қазан айында бір келісі үшін 412 теңге (2019 жылдың қазанында - 265 теңге), күріш - 376 теңгені (382 теңге), сұлы - 386 теңгені (349 теңге) құрады.

Қазан айында құмшекердің орташа бағасы келісіне 229 теңгені құрады (2019 жылдың қазанында - 211 теңге), жұмыртқа - 321 теңге (272 теңге) болды.

Сүт өнімдері арасында сырдың орташа бағасы қазан айында бір келісі үшін 3045 теңге деңгейінде болды (2019 жылғы қазанда - 2723 теңге), май - 2652 теңге (2289 теңге), сүзбе - 1664 теңге (1582 теңге), қаймақ - 1161 теңге (1088 теңге), айран - 309 теңге (291 теңге), пастерленген сүт - 267 теңге (247 теңге) болды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.