Атамекен сүт өнімдерін таңбалауды енгізбеуді ұсынуда

«Атамекен» Ұлттық Кәсіпкерлер Палатасы сүт өнімдерін таңбалауды ЕАЭО елдеріне экспорттау үшін ғана енгізуді, ал ішкі нарықта қолданбауды ұсынады. Бұл туралы палатаның Басқарма Төрағасы Абылай Мырзахметов бүгін Үкімет отырысында мәлімдеді.

Қазақстан ағымдағы жылы ЕАЭО интеграциялық процестері шеңберінде сүт өнімдерін, дәрі-дәрмектерді, алкогольді және аяқ киімді таңбалау бойынша пилоттық жобаларды іске қосты. Сонымен қатар, сүт өнімдерін өндірушілер бұл өнімнің жаппай контрафактіге ұшырамайтындығын айтып, оның қымбаттығына байланысты таңбалаудың қажеті жоқтығы жайлы бірнеше рет мәлімдеді. Кәсіпкерлердің ұстанымын Атамекен қолдады.

«Сүт өнімдері тез бұзылатын болғандықтан, контрафактіге аз ұшырайды. ҰКП - ның ұсынысы-ЕАЭО елдеріне экспортталатын өнімді ғана таңбалау керек және ішкі нарықта сүт өнімдерін таңбалауды енгізбеу қажет», - деді А.Мырзахметов.

Тақырыпқа байланысты оқу: ҚР-да сүт өнімдерін таңбалау шығындары жылына 3,3 млрд теңгені құрайды

Кәсіпкердің айтуынша, бүгінгі таңда Қазақстанда 214 сүт өңдеу кәсіпорны бар, оның ішінде 13 кәсіпорын өз өнімдерін экспорттайды. Саладағы өндіріс көлемі 2019 жылы 1 млн 388 мың тоннаны құрады, оның 158,9 мың тоннасы немесе шамамен 10% - ы экспортталды.

Сондай-ақ, Атамекенде хабарлағандай қолданыстағы құжаттар ішкі нарықта сүт өнімдерінің қауіпсіздігін қамтамасыз етуге мүмкіндік береді. Атап айтқанда, өндірушілер техникалық регламенттің сақталуын қамтамасыз етеді, ветеринариялық сертификатты және өнімнің  бақылануын қамтамасыз ететін электрондық шот-фактураларды пайдаланады.

Алдын ала есептеулер бойынша, сүт саласының жыл сайынғы таңбалау шығындары 9,7 млрд теңгені құрайды. Осыған байланысты Атамекенде саланы мемлекеттік қолдау және ынталандыру шараларын қарастыру ұсынылады.

Сүт өнімдерін таңбалаудың үлкен қаржылық шығындарын ескере отырып, сүт өнімдерін өндірушілерге мемлекеттік қолдау көрсету қажеттілігі туралы «Қазақтелеком» АҚ Басқарма Төрағасы Қуанышбек Есекеев те мәлімдеді. «Сүт өнімдерін таңбалау бойынша көптеген мәселелер бар, біз оларды өндірушілермен қарастырып жатырмыз. Таңбалау жабдықтары сүт өндірушілерге үлкен шығын әкеледі және бұл жерде мемлекет өндірушілерді осы шығындарды азайту тұрғысынан қолдауы өте маңызды», – деді ол.

Тақырыпқа байланысты оқуӨнімдерді таңбалау Ресей өндірушілеріне бәсекелестікте жақсы жағдай тудырады

Сондай-ақ, Есекеев сүт өнімдерін таңбалаудың барлық процесін келесі жылы пысықтап, жүйені 2022 жылдың 1 қаңтарынан бастап іске қосу жоспарланып отырғанын атап өтті.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.