Қазақстанда күнбағыс майы 53,8%-ға, картоп 46,1%-ға қымбаттады

Қазақстанда теңгенің девальвацияға ұшырауы, әлемдік нарықтағы бағаның өсуі және кейбір тауарлар экспорты көлемінің артуы салдарынан 2020 жылы азық-түлік тауарларының қымбаттауы байқалады. Қант, қарақұмық, картоп және күнбағыс майының бағасы көбірек көтерілді. Бұл туралы бүгін үкімет отырысында сауда және интеграция министрі Бақыт Сұлтанов мәлімдеді.

«Импортқа тәуелді тауарлар, яғни қант пен қарақұмық бағасы артты. Бұған валюта бағамының көтерілуі және әлемдік бағаның артуы себеп болды. Негізінен Ресейден әкелінген қант пен қарақұмық жармасы 33,6% және 34,6%-ға қымбаттады. Сонымен бірге экспортқа шығарылатын кейбір тауарлардың құны да өсті. Күнбағыс майы әлемдік бағаның 53,8% -ға өсуіне байланысты, картоп - экспорттың 46,1% -ға өсуіне байланысты қымбаттады», - деді Сауда министрлігінің басшысы.

Сонымен қатар, жұмыртқа бағасы да 6,3% -ға өсті. Оның басты себебі - құс тұмауының салдарынан тауықтардың қырылуы және өнімнің азаюы.

Сауда министрлігінің мәліметтері бойынша, осы бес тауардың қымбаттауы азық-түлік инфляциясының жалпы көлемінде шешуші рөл атқарды. Оларсыз бағаның жалпы көтерілуі қазіргі 9,6% -дың орнына шамамен 2% -ды құраған болар еді.

Тақырыпқа байланысты оқуӨнім өндірушілер май бағасының қымбаттатыны жайлы ескертуде

Сауда министрлігінің ақпараты бойынша, әкімдіктер бағаны тұрақтандыру үшін аймақтық  қорларының интервенциясын қолдану өте тиімсіз. Нұр-Сұлтан, Алматы, Атырау және Ақмола облыстарының тұрақтандыру қорларында резервтер жыл басынан бері толтырылмаған. Ал Солтүстік Қазақстан мен Қостанай облыстарында қантты сатып алудың орнына, бағасы тұрақты ұн сатып алынған.

Әкімдіктер екі жыл ішінде небәрі 16,5 млрд. теңге салған айналым сияқты құралды қолдану да тиімсіз болып табылады.

«Осылайша кейбір аймақтарда белгілі бір тауарларды сатып алады, содан кейін басқа тауарлардың бағасы өседі. Мысалы, Солтүстік Қазақстан облысында күріш сатып алуға 50 млн. теңге бөлінді. Алайда, оның бағасы емес, жұмыртқа, қарақұмық және қант бағасы қымбаттады», - деді Бақыт Сұлтанов.

Сауда министрлігі коронавирус пандемиясының екінші толқынының және жаңа жылдың алдындағы әдеттегідей бағаның көтерілу қаупін ескере отырып, әкімдіктерді тұрақтандыру қорларындағы азық-түлік көлемін қайта қарауға және «кері схема» бойынша қаржыландыруды арттыруға шақырады.

Бұл ретте, Ауыл шаруашылығы министрлігіне әлеуметтік маңызы бар азық-түлік тауарларының бағасын тұрақтандыру үшін Азық-түлік корпорациясындағы бидай қорына мониторинг жүргізу ұсынылды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.